ينتەرنەت حاۋىپسىزدىگىن باقىلاۋ ـ تەكسەرۋگە قاتىستى قوعام حاۋىپسىزدىگى مينيسترلىگى اشىق پىكىر الدى

11 – ايدىڭ 30 – كۇنى، قوعام حاۋىپسىزدىگى مينيسترلىگىنىڭ توراپ حاۋىپسىزدىگى مەكەمەسى حابارلاندىرۋ جاريالادى، قوعام حاۋىپسىزدىگى ورگاندارىنىڭ ينتەرنەت كەڭىستىگى حاۋىپسىزدىگىن باقىلاۋ - تەكسەرۋ قىزمەتىن ارناعا ءتۇسىرۋ ءۇشىن، ينتەرنەت حاۋىپسىزدىگى زاڭى، ساندى مالىمەت حاۋىپسىزدىگى زاڭى، جەكەلەردىڭ ينفورماتسياسىن قورعاۋ زاڭى قاتارلى زاڭ، زاڭدىق ەرەجەلەرگە نەگىزدەلىپ، تولىق تەكسەرىپ - زەرتتەۋ، دالەلدەۋ ارقىلى قوعام حاۋىپسىزدىگى مينيسترلىگى 2018 - جىلى جاسالعان «قوعام حاۋىپسىزدىگى ورگاندارىنىڭ ينتەرنەت حاۋىپسىزدىگىن باقىلاۋ - تەكسەرۋ بەلگىلەمەسىنە» (قوعام حاۋىپسىزدىگى مينيسترلىگىنىڭ 151 - ءنومىرلى بۇيرىعى) وزگەرىس ەنگىزۋ ارقىلى «قوعام حاۋىپسىزدىگى ورگاندارىنىڭ ينتەرنەت كەڭىستىگى حاۋىپسىزدىگىن باقىلاۋ – تەكسەرۋ ءادىسىن (پىكىر الۋ نۇسقاسى)» جازىپ، قوعامنان اشىق پىكىر الدى. جۇرتشىلىقتىڭ مىناداي جولدار مەن تاسىلدەر ارقىلى ۇسىنىس - پىكىر بەرۋىنە بولادى.

1. قوعام حاۋىپسىزدىگى مينيسترلىگىنىڭ رەسمي تورابىنا (www.mps.gov.cn) شىعىپ باس بەتتەگى ”تەكسەرۋ — جيناقتاۋ“ دەگەندى باسىپ نۇسقانىڭ مازمۇنىن كورۋگە بولادى.

2. ەلەكتروندىق حات ساندىق ارقىلى پىكىر جولداۋىنا بولادى: wajfzc@sina.com.

3. حات ارقىلى پىكىردى بەيجيڭ قالاسى دۇڭچىڭ رايونى دۇڭچاڭ - ان كوشەسى 14 – ءنومىرلى قوعام حاۋىپسىزدىگى مينيسترلىگىنە جولداۋ، پوچتا ءنومىرى: 100741. كونۆەرتكە ”قوعام حاۋىپسىزدىگى ورگاندارىنىڭ ينتەرنەت كەڭىستىگى حاۋىپسىزدىگىن باقىلاۋ – تەكسەرۋ ءادىسى جونىندە پىكىر الۋ“ دەگەن ەسكەرتپە جازۋ كەرەك.

پىكىر بەرۋ ۋاقىتى 2025 - جىلى 12 - ايدىڭ 28 - كۇنىنە دەيىن بولادى.

كەلۋ قاينارى: حالىق تورابى