قانداي ادامداردىڭ كاسىپتىك شەبەرلىكتى باعالاۋ قوسىمشا قاراجاتىنان يگىلىكتەنۋىنە بولادى؟ ادام كۇشى بايلىعى جانە قوعامدىق قامتاماسىزداندىرۋ مينيسترلىگى ءتۇسىندىردى

جۇڭگو اقپارات تورابىنىڭ 12 – ايدىڭ 3 – كۇنى بەرگەن حابارى. كاسىپتىك شەبەرلىكتى باعالاۋ قوسىمشا قاراجاتىن كىمنىڭ الۋىنا بولادى؟ ادام كۇشى بايلىعى جانە قوعامدىق قامتاماسىزداندىرۋ مينيسترلىگى 12 – ايدىڭ 3 – كۇنى رەسمي ۋيشين تەكشەسى ارقىلى ءتۇسىندىردى.

تۇڭعىش رەتكى كاسىپتىك شەبەرلىكتى باعالاۋدان وتكەن ءارى بەلگىلەمەگە ساي كەلەتىن كۋالىككە يە بولعان (كاسىپتىك تولىمدىلىك كۋالىگى، كاسىپتىك شەبەرلىك دارەجە كۋالىگى، ارناۋلى كاسىپتىك قابىلەت كۋالىگى قامتىلادى، كۋرستا تولىمدى بولۋ كۋالىگى قامتىلمايدى) التى تۇردەگى ادامدارعا كاسىپتىك شەبەرلىكتى باعالاۋ قوسىمشا قاراجاتى بەرىلەدى.

التى تۇردەگى ادامدار مىنالاردى قامتيدى: قايتا كەدەيلەسۋىنەن ساقتانۋ ءۇشىن باقىلاۋعا الىنعان وبيەكتىلەر، جوعارى مەكتەپتەن سول جىلى وقۋ بىتىرگەندەر (تەحنيكالىق جوعارى مەكتەپتەردىڭ جوعارى دارەجەلى تەحنيكتەر كلاسىنان، زاپاس تەحنيكتەر كلاسىنان، تەحنيكتەر كلاسىنان جانە ەرەكشە وقۋ – اعارتۋ شۋەيۋانىنداعى كاسىپتىك وقۋ – اعارتۋ تۇرىندەگى كاسىپتەردەن وقۋ بىتىرگەندەر قامتىلادى)، قالا مەن اۋىلداعى ورتالاۋ مەن تولىق ورتادان سول جىلى وقۋ ءبىتىرىپ جوعارىلاپ وقي الماعان وقۋشىلار، اۋىل – قىستاقتان جوتكەلىپ جۇمىستانعان ەڭبەكشىلەر، قالا – قالاشىقتاعى جۇمىسسىز قالعانىن تىركەۋگە الدىرعاندار، جۇمىستانۋ جاعىندا قيىنشىلىققا ۇشىراعاندار.

ءتۇيىندى كاسىپ سالاسىنداعى كاسىپتىك تولىمدىلىققا باعا بەرۋ جانە كاسىپتىك شەبەرلىك دارەجەسىن تۇراقتاندىرۋ تىزىمدىگىنە ەنگىزىلگەن كاسىپتىك جۇمىس تۇرلەرىنە باعىتتاي وتىرىپ، قوسىمشا قاراجات ولشەمىن ۇيلەسىمدى جوعارىلاتۋعا بولادى. ناقتى ءوتىنىش ەتۋ بارىسىن ءبىلۋ ءۇشىن جەرگىلىكتى ورىنداعى ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ ينتەرنەت پاراقشاسىنا جانە ۋيشين تەكشەسىنە نازار سالىڭىز نەمەسە جەرگىلىكتى ورىنداعى الەۋمەتتىك جۇمىستانۋ جاعىندا قىزمەت وتەۋ قۇرىلىمدارىنان سۇراستىرىڭىز.

كەلۋ قاينارى: حالىق تورابى