مەكتەپ اۋلاسىنداعىلارعا باعىتتالعان ”وقۋشىلارعا كومەكتەسۋ قاراجاتى“ دەگەن اتتى جامىلعان ينتەرنەتتىك الدامكوستىكتەن ساق بولىڭىزدار

بەيجيڭ گازەتىنىڭ ءتىلشىسى جاڭ يۇي حابارلايدى. جۋىردا جاڭا تيپتى ينتەرنەتتىك الدامكوستىك ءجيى تۋىلۋدا — الدامكوستەر وقۋشىلارعا كومەكتەسۋ قاراجاتى، وقۋشىلارعا بەرىلەتىن سيلىق قاراجاتى جانە ءتۇرلى قوسىمشا قاراجات قاتارلىلاردى تاراتۋ باسقىشىنا ەلىكتەپ، ءدال تاۋىپ الدامكوستىك ىستەپ، ءبىر ءبولىم وقۋشىلاردىڭ مال – مۇلكىن زيانعا ۇشىراتقان.

فاڭشان رايوندىق ساقشى مەكەمەسى جۋىردا الدامكوستىكتەن ساقتانۋ تۋرالى شۇعىل ەسكەرتۋ جاريالاپ، وقىتۋشىلار مەن وقۋشىلارعا قىراعىلىقتى ارتتىرىپ، قاتاڭ ساقتانۋدى ەسكەرتكەن. ساقشى جاق مىنانى ايقىن بىلدىرگەن: قوسىمشا قاراجاتتى تاراتۋ بارىسىندا ارناۋلى ورىنداردىڭ جەكەلەر جولداعان جالعانىمعا كىرۋدى تالاپ ەتۋى، ۇكىمەتتىك ەمەس تەكشەلەرگە بانكە كارتۋچكاسىنىڭ قۇپيا سيفرى، كۋالاندىرۋ ءنومىرى قاتارلى سەزىمتال ينفورماتسيالاردى تولتىرۋدى تالاپ ەتۋى مۇمكىن ەمەس، مەكتەپتىڭ ۇقتىرۋى دا رەسمي ارنالار ارقىلى جاريالانادى. مۇنداي وزگەشە تالاپتارعا جولىققاندا، بىردەن الدامكوستىك دەپ بىلسەڭىز بولعانى.

ساقشى جاق مىنانى ەسكەرتەدى: وسى تەكتەس الدامكوستىك بارىسىندا، الدامكوستەر مەكتەپتىڭ قازىنا باسقارماسى، كادرلار باسقارماسى، ينفورماتسيالاندىرۋ ورتالىعى، عىلىمي زەرتتەۋ مەكەمەسى، ارتقى شەپ تاراۋى قاتارلى مەكتەپ ىشىندەگى فۋنكتسيالىق قۇرىلىمداردىڭ اتىن جامىلۋ ارقىلى نەمەسە قىزمەتتەس، باستىق، وقىتۋشى، ساباقتاس قاتارلىلاردىڭ تىركەلگىسىن پايدالانۋ ارقىلى ينفورماتسيا جولداۋعا جاتىلعان، ينفورماتسيانى جولداۋشىنىڭ سالاۋاتى كۇماندى سەزىلگەن جاعدايدا جان - جاقتىلى سۇراستىرىپ سالىستىرىپ كورىڭىز. مەكتەپ اۋلاسىنداعى OA جۇيەسى، مەكتەپ اۋلاسىنداعى حات ساندىق، قىزمەت توبى، كلاس توبى قاتارلى مەكتەپ اۋلاسىنداعى ارنالار ارقىلى تارالعان بەيمالىم جالعانىمداردى بايقاعان جاعدايدا قىراعىلىقتى ارتتىرىڭىز، مەيلى، جالعانىمنىڭ تاقىرىبى قانشالىقتى تارتىمدى بولسا دا، كوزسىزدىكپەن باسىپ كورۋگە، مۇلدە، بولمايدى.

كەلۋ قاينارى: حالىق تورابى