ينتەرنەتتەگى ءبىر توپ تانىمال ادامداردىڭ تىركەلگىلەرى زاڭ بويىنشا انىقتاپ ءبىر جاقتى ەتىلدى

جۋىردا ينتەرنەت ينفورماتسياسى تاراۋلارى قاتىستى تەكشەلەرگە جەتەكشىلىك ەتىپ، ينتەرنەتتەگى تانىمال ادامداردىڭ تىركەلگىلەرىندەگى زاڭ – تۇزىمگە قايشى ارەكەتتەردى زاڭ بويىنشا ءبىر جاقتى ەتتى. قازىر وسىلاردىڭ اراسىنداعى تيپتىك دەلولار جونىندە مىناداي حابارلاندىرۋ شىعارىلدى:

ءبىرىنشى، ينتەرنەتتىك تىركەلگى ”حۋچىنفىڭ“ بىرنەشە تەكشەدە ”انجو تەلەفونىن پايدالاناتىندار“، ”الما تەلەفونىن پايدالاناتىندار“ دەپ توپقا ءبولىپ قايراعان سوزدەردى جاريالاعاندىقتان، ءارقايسى تەكشەلەردەگى تىركەلگىلەرى توقتاتىلدى.

ەكىنشى، ميكروبلوگ تىركەلگىسى ”گومەي May قۇلشىن قۇلشىن“، شياۋحۇڭشۋ تىركەلگىسى ”ييان LuLu“، كۋايشوۋ تىركەلگىسى ”ۋاڭچۋان“، دوۋيىن تىركەلگىسى “Ayuki_888”، ۋيشين كەسكىن تەكشەسىندەگى تىركەلگى ”جوۋ شيكاي XK“ قاتارلىلار بايلىعىن كورسەتىپ، اقشا قۇمارلىقتى دارىپتەۋ قاتارلى ناشار قۇن كوزقاراسىن ۋاعىزداعاندىقتان، قاتىستى تىركەلگىلەر توقتاتىلدى نەمەسە ۇزاق ۋاقىت بويى مازمۇن جاريالاۋدان شەكتەلدى.

ءۇشىنشى، ميكروبلوگ تىركەلگىسى ”لانشي“ شەكارا سىرتىنداعى شارۋ فيلمدەردىڭ مازمۇنىن تانىستىرعان، دوۋيىن تەكشەسىندەگى جۇرگىزۋشى ”جاڭ شۋەفىڭ“ تىكە تاراتىلىمدا ۇزاق ۋاقىتتان بەرى بىلاپىت سوزدەردى قولدانعان، قاتىستى تىركەلگىلەر شەكتەۋلى مەرزىم ىشىندە مازمۇن جاريالاۋدان نەمەسە تىكە تاراتىلىم جاساۋدان شەكتەلدى.

ءتورتىنشى، باجى تاراۋلارى جاريالاعان ينتەرنەتتىك جۇرگىزۋشىلەردىڭ باجىدان جالتارۋىنا قاتىستى دەلو جاعدايىنا ساي، دوۋيىن، كۋايشوۋ قاتارلى تەكشەلەردەگى ”شياۋيىڭ فۋفۋ“، ”يەبۋ – ۋ شينشين“ قاتارلى تىركەلگىلەر ۇزاق ۋاقىت بويى مازمۇن جاريالاۋدان، تاراتىلىم جاساۋدان شەكتەلدى، زات ساتۋ – پايدا تابۋ ۇقىعى ۋاقىتشا توقتاتىلدى. ينتەرنەتتىك جۇرگىزۋشى ”ۋاڭ زىبوعا“ قاتىستى تىركەلگىلەر وسىنىڭ الدىندا باجى جاسىرۋ، بايلىعىن كورسەتىپ، اقشا قۇمارلىقتى دارىپتەۋ ارەكەتىنە بايلانىستى جابىلعان، جۋىردا قايتادان تىركەلگەنى بايقالعاندىقتان، ينتەرنەت ينفورماتسياسى تاراۋلارى قاتىستى تەكشەلەردى انىقتاپ ءبىر جاقتى ەتۋگە قۋزاعان.

ينتەرنەتتە تانىمال ادامدار اشقان تىركەلگىلەردىڭ ىقپالى زور، قوعامداعىلار بارىنشا نازار اۋدارادى، تيجاراتشىلار سانالىلىقپەن ينتەرنەتتەن زاڭ بويىنشا پايدالانۋى، ينتەرنەتتەن وركەنيەتتى تۇردە پايدالانۋى، ينتەرنەتتەگى ءسوز – ارەكەتىن جۇيەگە ءتۇسىرۋى، ينتەرنەتتەگى كورىلىمنەن ۇيلەسىمدى پايدالانۋى قاجەت. ءار دارەجەلى ينتەرنەت ينفورماتسياسى تاراۋلارى قاتىستى تەكشەلەردى نەگىزگى تۇلعالىق جاۋاپكەرشىلىگىن اتقارىپ، الەۋمەتتىك اۋماق ەرەجەسىن، قولدانۋشىلارمەن جاسالاتىن كەلىسىمشارتتاردى كەمەلدەندىرىپ، تيجاراتشىلارعا تاربيە بەرىپ، ەسكەرتۋ جاساۋدى كۇشەيتىپ، تىركەلگىلەر مەن ينفورماتسيالاردى باسقارۋ قىزمەتىن زاڭ – تۇزىمگە ساي ورىستەتىپ، انىقتاپ ءبىر جاقتى ەتىلگەن ماسەلەلەردىڭ قايتا باس كوتەرۋىنەن ساقتانۋى قاجەت.

كەلۋ قاينارى: حالىق تورابى