شىنجىن پوچتا كەدەنى تۇقىمى قۇرۋعا اينالعان اعاشتان جاسالعان 24 بۇيىمدى تەكسەرىپ قولعا ءتۇسىردى

ورتالىق تەلەۆيزيا تورابى حابارلايدى: ”كەدەن اقپاراتتارى“ ۋيشين تەكشەسىنىڭ حابارلاۋىنشا، جۋىردا شىنجىن پوچتا كەدەنى ەكسپورت ەتىلگەن جەدەل جولدامانىڭ ىشىنەن تۇقىمى قۇرۋعا اينالعان اعاشتان جاسالعان 24 بۇيىمدى انىقتاعان.

كەدەن قىزمەتكەرلەرى ەكسپورت ەتىلەتىن جەدەل جولداماعا باقىلاۋ – باسقارۋ جۇرگىزىپ، جولدامانى تەكسەرۋ ماشيناسىنان وتكىزگەن كەزدە سۋرەتىندە قالىپسىزدىق بايقالعان. كاسىپتىك قۇرىلىمدار ساراپتاۋ ارقىلى مۇنىڭ ىشىندەگى 22 زاتتىڭ قاسقىر جيدەك تۇقىمداسى الوي تۋىسىنا جاتاتىن اعاشتان جاسالعانىن، 2 زاتتىڭ الوي سارى ساندال اعاشىنان جاسالعانىن تۇراقتاندىرعان، بۇل اعاشتاردىڭ بارلىعى «تۇقىمى قۇرۋعا اينالعان جابايى حايۋاناتتار مەن وسىمدىكتەردى حالىقارادا ساۋدالاۋ شارتىنداعى» （CITES）قوسىمشا Ⅱ قۇجاتىندا قامتىلعان وسىمدىكتەر.

كەدەن مەكەمەسى مىنانى ەسكەرتەدى: «تۇقىمى قۇرۋعا اينالعان جابايى حايۋاناتتار مەن وسىمدىكتەردى حالىقارادا ساۋدالاۋ شارتى» جانە «جۇڭحۋا حالىق رەسپۋبليكاسىنىڭ تۇقىمى قۇرۋعا اينالعان جابايى حايۋاناتتار مەن وسىمدىكتەردى يمپورت - ەكسپورت ەتۋدى باسقارۋ ەرەجەسىندەگى» بەلگىلەمەرگە ساي، جابايى حايۋاناتتار مەن وسىمدىكتەردى يمپورت - ەكسپورت ەتۋگە قاتىستى زاڭدى كۋالىگى بولماعان جاعدايدا، تۇقىمى قۇرۋعا اينالعان ورگانيزمدەر مەن ولاردان جاسالعان بۇيىمداردى ساۋدالاۋ، الىپ ءجۇرۋ، پوچتادان سالۋ تاسىلدەرى ارقىلى شەكارادان شىعارۋعا جانە ەنگىزۋگە بولمايدى، قاتەلىگى اۋىر بولىپ، قىلمىس قالىپتاستىرعان جاعدايدا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.

كەلۋ قاينارى: حالىق تورابى