بيرمانىڭ مياۋۋادي وڭىرىندە تەلەكومنان پايدالانىپ الدامكوستىك ىستەۋگە شاتىلعان جۇڭگولىق 1178 قىلمىس كۇماندىسى ەلىمىزگە ايداپ اكەلىندى 

حالىق گازەتىنىڭ ءتىلشىسى جاڭ تيانپەي 12 – ايدىڭ 8 – كۇنى بەيجيڭنەن حابارلايدى. ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، جۋىردا جۇڭگو، بيرما، تايلاند ۇكىمەتتەرىنىڭ تەلەكوم جانە ينتەرنەتتەن پايدالانىپ الدامكوستىك ىستەۋ قىلمىسىنا سوققى بەرۋ جاعىنداعى بىرلەسكەن ارەكەتىنىڭ ىشكەرىلەي ىلگەرىلەۋىنە بايلانىستى، ەلىمىزدىڭ قوعام حاۋىپسىزدىگى ورگاندارى بيرمانىڭ مياۋۋادي وڭىرىندە تەلەكومنان پايدالانىپ الدامكوستىك ىستەۋگە شاتىلعان جۇڭگولىق قىلمىس كۇماندىلارىنان تاعى 1178 ادامدى تايلاند ارقىلى ەلىمىزگە ايداپ اكەلگەن.

11 – ايدىڭ 14 – كۇنى، جۇڭگو، كامبودجا، لاوس، بيرما، تايلاند، ۆيەتنام ەلدەرى تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنا سوققى بەرۋ جونىندەگى مينيسترلىك دارەجەلى ءماجىلىستى اشقان. ماجىلىستەن كەيىن، ءار ەل بىرلەسىپ سوققى بەرۋ ارەكەتىن ورىستەتىپ، الدامكوستەر شوعىرلانعان رايوندى شوعىرلى الاستاپ، تەلەكوم مەن ينتەرنەتتەن پايدالانىپ الدامكوستىك ىستەۋشىلەردى قولعا تۇسىرۋگە كۇش سالعان. اسىرەسە، قازىرگى كەزدە بيرمانىڭ مياۋۋادي رايونىندا تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنىڭ اۋقىمى كۇردەلى بولعان جاعدايعا باعىتتاي وتىرىپ، جۇڭگو، بيرما، تايلاند ءۇش ەلدىڭ ساقشى جاقتارى تاعى ءبىر رەت بىرلەسىپ ارەكەت ورىستەتكەن، بيرما جاق الدامكوستەر شوعىرلانعان اۋماقتاردى شوعىرىمەن الاستاپ، تەلەكوم مەن ينتەرنەت ارقىلى الدامكوستىك ىستەۋ قىلمىسىنا شاتىلعان ءبىر توپ ادامدى قولعا تۇسىرگەن. بۇل رەتكى ارەكەت تەلەكوم جانە ينتەرنەت ارقىلى الدامكوستىك ىستەۋ قىلمىسىنا سوققى بەرۋ جونىندەگى 6 ەلدىڭ مينيسترلىك دارەجەلى ءماجىلىسىنىڭ رۋحىن دايەكتىلەندىرۋدەگى تاعى ءبىر ماڭىزدى تابىس بولىپ تابىلادى.

12 ـ ايدىڭ 1 ـ كۇنىنەن باستاپ، قوعام حاۋىپسىزدىگى مينيسترلىگى جياڭشي قوعام حاۋىپسىزدىگى ورگاندارىنىڭ ساقشىلارىن تايلاندتىڭ مەيسو اۋدانىنا بارىپ، ۇشاق مايلاپ قىلمىس كۇماندىلارىن ايداپ اكەلۋ مىندەتىن ورىنداۋعا جىبەرگەن، سونداي ـ اق، تايلاند جاقتىڭ سايكەسۋىندە بيرما جاق ەلىمىزگە وتكىزىپ بەرگەن تەلەكوم مەن ينتەرنەتتەن پايدالانىپ الدامكوستىك ىستەگەن جۇڭگولىق 1178 قىلمىس كۇماندىسىن توپقا ءبولىپ ەلىمىزگە ايداپ اكەلگەن. جياڭشي قوعام حاۋىپسىزدىگى ورگاندارى ورنالاستىرۋ بويىنشا قاتىستى دەلولاردى تەكسەرۋ قىزمەتىن بىرگە ورىستەتتى.

كەلۋ قاينارى: حالىق تورابى