قىمقىرىپ العان قوسىمشا قاراجاتتىڭ ورنىن تولتىرتتى (باقىلاۋ قاراۋىلى) 

جۋىردا، جياڭشي ولكەسى جيۋجياڭ قالاسى چايساڭ رايونى شينحى قالاشىعى ءمالىم قىستاعىنىڭ تۇرعىنى لي X قالاشىق ءتارتىپ تەكسەرۋ كوميتەتىنىڭ كادرلارىنا: ” ەگىستىك جەردىڭ قۇنارلىلىعىن قورعاۋعا بەرىلەتىن قوسىمشا قاراجات ءالى ەسەپ نومىرىمە كەلمەدى، بۇل قانداي ءىس“ دەپ جاعدايىن ايتقان.

2022 – جىلى ليۋ X سىرت جەرگە بارىپ جۇمىس ىستەپ، ەگىستىك جەرىن باسقالارعا وتكەرمەلەپ بەرگەن. ءبىر جولى ساياساتتىق ۇگىتتى تىڭداۋ بارىسىندا وعان وي تۇسەدى. ليۋ X: ”ۇگىتشىنىڭ ايتۋىنشا، ەگىستىك جەرلەردىڭ قۇنارلىلىعىن قورعاۋعا بەرىلەتىن قوسىمشا قاراجات كوتەرمەگە بەرۋ ۇقىعىنا يە ديقاندار وتباسىنا دا بەرىلەدى، ولار ەگىستىك جەردى وتكەرمەلەسە دە، قوسىمشا قاراجات الۋىنا ىقپال جاسامايدى ەكەن. مەن ەسەپ ءنومىرىمدى ەگجەي – تەگجەيلى تەكسەرىپ كورىپ، سول جىلعى قوسىمشا قاراجاتتىڭ ەسەپ نومىرىمە مۇلدە كىرمەگەنىن بايقادىم“ دەيدى.

قالاشىق ءتارتىپ تەكسەرۋ كوميتەتىنىڭ كادرلارى دەرەۋ قالاشىقتىڭ قازىنا ىستەرى باسقارماسىنا بارىپ، ماتەريالداردى تەكسەرىپ، ليۋ X تى قامتىعان 23 ديقان وتباسىنىڭ بارلىعىنىڭ قوسىمشا قاراجاتى ولاردىڭ ەسەپ نومىرىنە كىرگىزىلمەستەن، باسقا بىرەۋدىڭ، ياعني، قىستاق تۇرعىندارى گرۋپپاسىنىڭ باستىعى شۇي XX تىڭ ەسەپ نومىرىنە كىرگىزىلگەنىن بايقايدى.

قالاشىق ءتارتىپ تەكسەرۋ كوميتەتىنىڭ كادرلارى شۇي XX تى ىزدەپ بارىپ جاعدايدى سۇراستىرىپ، ءىستىڭ شىن سىرىن انىقتايدى: 2022 ـ جىلى شۇي XX قىستاقتاعى 23 تۇرعىننىڭ 29.85 مۋ جەرىن اينالىمعا سالادى. قوسىمشا قاراجاتقا ءوتىنىش بەرۋگە قولايلىلىق جاراتۋ ءۇشىن، ول بارلىق جەردى ءوزىنىڭ اتىندا ءبىر تۇتاس تىزىمگە الدىرادى، الايدا، 3000 يۋاننان استام قوسىمشا قاراجات ەسەپ نومىرىنە كىرگىزىلگەن سوڭ، ونىڭ نيەتى بۇزىلىپ: ”ءار مۋ جەرگە بەرىلگەن قوسىمشا قاراجات بار - جوعى 100 يۋان عانا. كوپتەگەن تۇرعىندار سىرت جەردە جۇمىس ىستەيدى، قوسىمشا قاراجات تاراتىلعانىن بىلمەيدى“ دەپ ويلايدى.

اۋرۋىڭدى جاسىرعانىڭمەن ءولىمىڭ اشكەرە. 2025 - جىلى 10 - ايدا، شۇي XX كە اكىمشىلىك جاقتان ەسكەرتۋ جازاسى بەرىلىپ، اقشا قىستاق تۇرعىندارىنا تولىق قايتارىلادى.

[ءتارتىپ اتقارۋشىنىڭ ءسوزى] بۇل دەلودا، شۇي XX جۇرتشىلىق ساياساتتى قانىق بىلمەيدى دەپ قاراپ، قوسىمشا قاراجاتتى ورتا جولدان يەمدەنەدى. ونىڭ بۇل ارەكەتى جۇرتشىلىقتىڭ مۇددەسىنە نەمقۇرايدى قاراۋ جانە ”قارمانىپ قالۋ“ سىندى باعىن سىناۋ پسيحيكاسىن ايپاراداي اشىپ تاستادى. پارتيانى جاپپاي قاتاڭ باسقارۋ ءورىسى ۇزدىكسىز نەگىزگى ساتىعا قاراي كەڭەيىپ، شارۋالارعا تيىمدىلىك جاساۋ قاراجاتىن باقىلاۋ ـ باسقارۋ تەبىنى ۇزدىكسىز ارتتىرىلدى، نەگىزگى ساتىداعى بارشا كادر ءتارتىپ، زاڭ تانىمىن بەرىك ورناتىپ، وڭاشا قالعاندا ۇستامدىلىق تانىتىپ، بولماشى ىستەردە دە ساق بولىپ، پاك بولۋى ءارى كوپشىل بولۋى كەرەك. جۇرتشىلىقتىڭ اقشاسىنىڭ ءبىر تيىنىن دا يەمدەنىپ الۋعا بولمايدى، ”قولىڭىزدى سوزباڭىز، قول سوزساڭىز، ءسوزسىز، قولعا تۇسەسىز“. (تۋ چىڭچياڭ، سۇڭ جيە)

كەلۋ قاينارى: حالىق تورابى