مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى : 37 توپتاعى بەزەنۋ بۇيىمدارى بەلگىلەمەگە ۇيلەسپەيدى 

ورتالىق تەلەۆيزيا تورابىنىڭ حابارى: مەملەكەتتىك ءدارى – دارمەكى باقىلاۋ – باسقارۋ مەڭگەرمەسى 12 – ايدىڭ 9 – كۇنى ۇقتىرۋ جاريالادى، 2025 – جىلى مەملەكەت بويىنشا بەزەنۋ بۇيىمدارىنان ۇلگى الىپ تەكسەرۋ قىزمەتى بارىسىندا، جىجياڭ ولكەلىك ازىق – تۇلىك پەن ءدارى – دارمەكتى تەكسەرۋ – زەرتتەۋ مەكەمەسى قاتارلى ورىنداردىڭ تەكسەرۋ ناتيجەسىنە نەگىزدەلگەندە، ءونىم ماركاسى شىلاڭ جەمجەمىلدەن جاسالعان قايىزعاق كەتىرۋ – شاشتى كۇتىمدەۋ شا جۋۋ سۇيىقتىعى قاتارلى 37 توپتاعى بەزەنۋ بۇيىمدارى بەلگىلەمەگە ساي كەلمەگەن.

”بەزەنۋ بۇيىمدارىن باقىلاۋ - باسقارۋ ەرەجەسىندەگى“، ”بەزەنۋ بۇيىمدارىن ءوندىرۋ -تيجارات ەتۋدى باقىلاۋ – باسقارۋ ادىسىندەگى“، ”بەزەنۋ بۇيىمدارىنان ۇلگى الىپ تەكسەرۋدى باسقارۋ ادىسىندەگى“ بەلگىلەمەلەرگە ساي، مەملەكەتتىك ءدارى - دارمەكتى باقىلاۋ - باسقارۋ مەڭگەرمەسى شاڭحاي، شاندۇڭ، گۋاڭدۇڭ سياقتى ولكەلەردەگى (قالالارداعى) ءدارى - دارمەكتى باقىلاۋ - باسقارۋ تاراۋلارىنان جوعارىدا ايتىلعان بەلگىلەمەلەرگە ۇيلەسپەيتىن بەزەنۋ بۇيىمدارىمەن قاتىستى تىزىمگە الدىرۋشىلارعا، ەستەلىككە الدىرۋشىلارعا، ۇسىنىس بويىنشا ءوندىرۋشى كاسىپورىندارعا زاڭ بويىنشا دەلو تۇرعىزىپ تەكسەرۋ جۇرگىزۋدى تالاپ ەتتى، قاتىستى كاسىپورىنداردى زاڭ بويىنشا حاۋىپ - قاتەردى تىزگىندەۋ شارالارىن قولدانۋعا ءارى ءوزىن تەكسەرۋ، رەتكە سالۋ شارالارىن قولدانۋعا بۇيىردى. ءارقايسى ولكەلەردەگى (اۆتونوميالى رايون، توتە قاراستى قالا) ءدارى - دارمەكتى باقىلاۋ - باسقارۋ تاراۋلارى قاتىستى بەزەنۋ بۇيىمدارىن تيجارات ەتۋشىلەردى جوعارىدا ايتىلعان بەزەنۋ بۇيىمدارىن تيجارات ەتۋدى توقتاتۋعا بۇيىرۋى ءارى ولاردىڭ زات ساتىپ الۋ بارىسىندا سالىستىرىپ تەكسەرۋ ەستەلىگى قاتارلى جاعدايلارىن زاڭ بويىنشا تەكسەرۋى، زاڭعا قايشى ونىمدەردىڭ قاينارىن ىزدەپ، زاڭعا قايشى ارەكەتتەر بايقالسا، زاڭ بويىنشا قاتاڭ ءبىر جاقتىلى ەتۋى كەرەك؛ قىلمىس كۇمانى بارلاردى زاڭ بويىنشا قوعام حاۋىپسىزدىگى ورگاندارىنا جولداۋى كەرەك.

كەلۋ قاينارى: حالىق تورابى