ەڭ جوعارى حالىق سوتى مەن ەڭ جوعارى حالىق پروكۋراتۋراسى تۇرعىن ءۇي قامتاماسىزداندىرۋى، ەمدەۋ قامسىزداندىرۋى قورى، مەكتەپ اۋلاسىنداعى اس – سۋ كاسىبى قاتارلىلارعا قاتىستى  تيپتىك دەلولاردى بىرلەسىپ جاريالادى

جۇڭگو اقپارات تورابىنىڭ 12 - ايدىڭ 9 ـ كۇنى بەيجيڭنەن بەرگەن حابارى. جۇرتشىلىقتىڭ مۇددەسىنە ساياتىن ىستەردە كىشى – گىرىم ءىس بولمايدى. تيپتىك دەلولاردىڭ دەلولاردى جوعارى ساپالى، ءونىمدى تۇردە ءبىر جاقتىلى ەتۋ جاعىنداعى جەتەكشىلىك ەتۋ رولىن، سونداي ـ اق، ءتالىم – تاربيە بەرۋ، ساقتاندىرۋ، سەسكەندىرۋ رولىن تولىق ساۋلەلەندىرۋ ءۇشىن، 12 – ايدىڭ 9 – كۇنى، ەڭ جوعارى حالىق سوتى مەن ەڭ جوعارى حالىق پروكۋراتۋراسى جۇرتشىلىقتىڭ ماڭايىنداعى ءىرىپ ـ شىرۋگە ساياتىن قىلمىستاردى زاڭ بويىنشا جازالاۋعا قاتىستى 5 تيپتىك دەلونى بىرگە جاريالادى.

بۇل جولى جاريالانعان تيپتىك دەلولار مىناداي ءۇش ءتۇرلى ەرەكشەلىككە يە:

بىرىنشىدەن، حالىقتى وزەك ەتۋ سىندى دامۋ يدەياسى تياناقتاندىرىلعان. 5 دەلو جەكە ـ جەكە تۇرعىن ءۇي قامتاماسىزداندىرۋى، قارتتارعا قىزمەت وتەۋ، ەمدەۋ قامسىزداندىرۋى قورى، مەكتەپ اۋلاسىنداعى اس – سۋ كاسىبى، مۇگەدەكتەردىڭ ۇقىق ـ مۇددەسىنە زيان جەتكىزۋ قاتارلى جاقتاردا تۋىلعان ءىرىپ ـ شىرۋگە ساياتىن قىلمىستارعا سايادى، بۇل قىلمىستىق ارەكەتتەر جۇرتشىلىقتىڭ مۇددەسىن تىكەلەي زياندايدى، جۇرتشىلىقتىڭ اڭىسى كۇشتى، قاتىستى قىلمىستاردى زاڭ بويىنشا جازالاۋ ءادىليا ورگاندارىنىڭ حالىقتى وزەك ەتۋ سىندى دامۋ يدەياسىن امالياتتا ايگىلەپ، جۇرتشىلىقتىڭ ءتول مۇددەسىن باتىل قورعاۋ سىندى باتىل پوزيتسياسىن تولىق ايگىلەگەن.

ەكىنشىدەن ، زاڭدى قاتاڭ اتقارۋعا، ءادىليالىق ادىلەتتىلىككە تاباندى بولعان. جوۋ XX تىڭ قيانات جاساۋى، ۇكىمەت اقشاسىن باسقاعا پايدالانۋى دەلوسىندا، ايىپكەر قوجالىق ارناۋلى قورعاۋ – جوندەۋ قاراجاتىنان قيانات جاساعان، باسقاعا پايدالانعان سوماسى توتەنشە مول، زاڭ بويىنشا قاتاڭ جازالاۋ كەرەك. ۋاڭ XX تىڭ قيانات جاساۋى دەلوسىندا، ءادىليا ورگاندارى زاڭدىق قاتىناستىڭ ءمانىن دۇرىس يگەرىپ، بەلگىلەمەگە قايشى تۇردە كاسىپورىن قۇرۋ مەن قيانات جاساۋ قىلمىسىنىڭ شەت – شەكاراسىن ايقىنداپ، دالمە ـ ءدال جازالاۋدى جۇزەگە اسىرعان. داي XX تىڭ قيانات جاساۋى، پارا الۋى، ۇكىمەت قاراجاتىن باسقاعا پايدالانۋى دەلوسىندا، ۇكىمەت اقشاسىنىڭ سيپاتى زاڭ بويىنشا تۇراقتاندىرىلىپ، كوپ قىلمىس بويىنشا قوسىپ جازالاۋ اتقارىلعان ءارى ءوزىن مالىمدەۋ، شىنىن ايتۋ، ىرىقتىلىقپەن قىلمىسىن مويىنداۋ، جازاعا مويىنسال بولۋ، زاڭسىز تابىسىن تۇگەلدەي قايتارىپ بەرۋ قاتارلى جاعدايلارعا ۇشتاستىرىپ جازا بەلگىلەنگەن.

ۇشىنشىدەن، ءىرىپ - ءشىرۋدىڭ پايدا بولۋىنا مۇمكىندىك جاسايتىن ورتا مەن شارت - جاعدايلاردى الاستاۋعا دەم بەرگەن. قاتىستى دەلولاردى ءبىر جاقتى ەتۋ بارىسىندا، ءادىليا ورگاندارى دەلو بىتىرۋدە بايقالعان تۇزىمدەردىڭ كەمەلدى بولماۋى، باسقارۋدىڭ جۇيەلى بولماۋى، باقىلاۋدىڭ جەتكىلىكتى بولماۋى قاتارلى ماسەلەلەرمەن ۇشتاستىرا وتىرىپ، دەلو ارقىلى زاڭدى ءتۇسىندىرۋ، ۇسىنىس جاساپ جولداۋ قاتارلى فورمالاردان پايدالانىپ، ساقتاندىرۋ جاعىنداعى ءتالىم – تاربيەنى كۇشەيتىپ، ءتۇزىمدى كەمەلدەندىرۋدى ىلگەرىلەتىپ، باقىلاۋ - باسقارۋدى كۇشەيتىپ، ءىرىپ - ءشىرۋدىڭ پايدا بولۋىنا مۇمكىندىك جاسايتىن ورتا مەن شارت - جاعدايلاردى قاينارىنان باستاپ الاستاۋدى جەبەگەن.

ەڭ جوعارى حالىق سوتى مەن ەڭ جوعارى حالىق پروكۋراتۋراسى مىنانى بىلدىرگەن: ءادىليا ورگاندارى بۇقارانىڭ ماڭايىنداعى ”كىشى – گىرىم جەمەڭگەرلەردى“ جازالاۋدى ۇزدىكسىز ورىستەتىپ، نەگىزگى جاعى مەن قوسالقى جاعىن بىردەي جونگە سالۋعا، جۇيەلى تۇردە جونگە سالۋعا تاباندى بولىپ، ءىرىپ ـ شىرۋگە باتىلدىق ەتكىزبەيتىن سەسكەندىرۋشىلىكتى، ءىرىپ ـ شىرۋگە جول بەرمەيتىن تەجەۋدى، ءىرىپ ـ شىرۋدى ويلامايتىن سانالىلىقتى شىنايى كۇشەيتىپ، ءىرىپ ـ شىرۋگە قارسى تۇرۋ كۇرەسىنىڭ قامال الۋ شايقاسىن، ۇزاق ۋاقىتتىق شايقاسىن، جالپى تۇلعالىق شايقاسىن باتىلدىقپەن ويداعىداي جۇرگىزۋگە ءادىليالىق كۇش قوسادى.

كەلۋ قاينارى: حالىق تورابى