پروكۋراتۋرا ورگاندارى چيجالانىڭ پارا الۋ دەلوسى جونىندە زاڭ بويىنشا الەۋمەتتىك ايىپتاۋ جۇرگىزدى

شينحۋا اگەنتتىگىنىڭ 12 - ايدىڭ 10 – كۇنى بەيجيڭنەن بەرگەن حابارى. ءتىلشىنىڭ 12 - ايدىڭ 10 - كۇنى ەڭ جوعارى حالىق پروكۋراتۋراسىنان ۇعىسۋىنشا، 14 - كەزەكتى مەملەكەتتىك ساياسي كەڭەستىڭ بۇرىنعى تۇراقتى مۇشەسى، اۋىل شارۋاشىلىعى جانە اۋىل - قىستاق كوميتەتىنىڭ بۇرىنعى ورىنباسار مەڭگەرۋشىسى چيجالانىڭ پارا الۋ دەلوسىن مەملەكەتتىك باقىلاۋ - تەكسەرۋ كوميتەتى تەكسەرىپ اياقتاتىپ، پروكۋراتۋرا ورگاندارىنىڭ تەكسەرىپ ايىپتاۋىنا وتكىزىپ بەرگەن. ەڭ جوعارى حالىق پروكۋراتۋراسى زاڭ بويىنشا چيجالانى پارا الۋ قىلمىسىن وتكىزدى دەگەن كۇمانمەن قولعا الۋدى ۇيعاردى، سونداي - اق چۇڭچيڭ قالالىق حالىق پروكۋراتۋراسىنىڭ 1 - بولىمشەسىنىڭ تەكسەرىپ ايىپتاۋىن بەلگىلەدى.

تاياۋدا چۇڭچيڭ قالالىق حالىق پروكۋراتۋراسىنىڭ 1 - بولىمشەسى چۇڭچيڭ قالالىق 1 - ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگاندارى تەكسەرىپ ايىپتاۋ ساتىسىندا ايىپكەر چيجالانىڭ يگىلىكتەنەتىن ارىز - شاعىم ۇقىعىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ شاعىم ايتتى: ايىپكەر چيجالا ديچيڭ وبلىستىق پارتكومنىڭ تۇراقتى مۇشەسى، جۇڭديان اۋداندىق پارتكومنىڭ شۋجيى، ديچيڭ وبلىستىق پارتكومنىڭ ورىنباسار شۋجيى، جۇڭديان اۋداندىق پارتكومنىڭ شۋجيى، ديچيڭ وبلىستىق پارتكومنىڭ ورىنباسار شۋجيى، وبلىس باستىعى، ديچيڭ وبلىستىق پارتكومنىڭ شۋجيى، يۇننان ولكەلىك پارتكومنىڭ تۇراقتى مۇشەسى، ديچيڭ وبلىستىق پارتكومنىڭ شۋجيى، شيزاڭ اۆتونوميالى رايوندىق پارتكومنىڭ تۇراقتى مۇشەسى، لىحاسا قالالىق پارتكومنىڭ شۋجيى، شيزاڭ اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، مەملەكەتتىك 13 - كەزەكتى حالىق قۇرىلتايى ۇلت ىستەرى كوميتەتىنىڭ ورىنباسار مەڭگەرۋشى مۇشەسى، 14 - كەزەكتى مەملەكەتتىك ساياسي كەڭەستىڭ تۇراقتى مۇشەسى، اۋىل شارۋاشىلىعى جانە اۋىل - قىستاق كوميتەتىنىڭ ورىنباسار مەڭگەرۋشىسى قاتارلى قىزمەت قولايلىلىعىنان پايدالانىپ، قىزمەت ۇقىعى، ورنى قالىپتاستىرعان قولايلى شارت – جاعدايدان، باسقا مەملەكەت قىزمەتكەرلەرىنىڭ قىزمەت مىندەتىندەگى ارەكەتىنەن پايدالانىپ، باسقالارعا پايدا جەتكىزىپ، باسقالاردىڭ بەرگەن مال - مۇلكىن زاڭسىز قابىلداعان، سوماسى توتەنشە مول، زاڭ بويىنشا ونىڭ قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى