قوعام حاۋىپسىزدىگى ورگاندارى تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىن وتكىزىپ قاشىپ جۇرگەن الدامكوستىك توپتىڭ ”قارجىلاندىرۋشىلارى“ مەن تىرەكتىلەرىنەن 100 قىلمىسكەردىڭ ۇستىنەن اشىق قۋعىن سالدى 

12 ـ ايدىڭ 9 ـ كۇنى ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، شەكارا اتتاپ تەلەكوم مەن ينتەرنەت ارقىلى الدامكوستىك ىستەۋ قىلمىسىنا زاڭ بويىنشا قاتاڭ سوققى بەرىپ، حالىق جۇرتشىلىعىنىڭ مال ـ مۇلكىنىڭ حاۋىپسىزدىگى مەن زاڭدى ۇقىق ـ مۇددەسىن شىنايى قورعاۋ ءۇشىن، جۋىردا قوعام حاۋىپسىزدىگى مينيسترلىگى قۋعىنداۋ بۇيرىعىن جاريالاپ، تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىن وتكىزىپ قاشىپ جۇرگەن الدامكوستىك توپتىڭ ”قارجىلاندىرۋشىلارى“ مەن تىرەكتىلەرىنەن 100 ادامنىڭ ۇستىنەن اشىق قۋعىن سالعان، مۇنىڭ ىشىندە ۋ چيپيڭ، ۋ چيڭجىڭ، فۋ شياۋبين، وۋ چاڭحۋا قاتارلى بيرمانىڭ سولتۇستىگىندەگى ”ءتورت ءىرى اۋلەت“ قىلمىستىق توبىنداعى باستى قاشقىندار دا بار.

تەكسەرۋگە قاراعاندا، جۋىرداعى جىلداردان بەرى ۋ چيپيڭ، ۋ چيڭجىڭ، فۋ شياۋبين، وۋ چاڭحۋا قاتارلى قىلمىس كۇماندىلارى شەتەل كۇشتەرىنىڭ قورعاۋىندا ادام قابىلداپ، ۇزاق ۋاقىت جۇڭگو ازاماتتارىنا قاراتىلعان تەلەكوم مەن ينتەرنەت ارقىلى الدامكوستىك ىستەۋ قىلمىسىن وتكىزگەن، الدامكوستىكپەن قول جەتكىزگەن قاراجات سوماسى وراسان زور، سيپاتى توتەنشە ناشار. وتە - موتە، قوعام حاۋىپسىزدىگى مينيسترلىگى بيرمانىڭ سولتۇستىگىندەگى ەلىمىزبەن قاتىستى قىلمىستىلارعا سوققى بەرۋ جونىندە ارناۋلى قىزمەت ورىستەتۋدى ورنالاستىرعاننان بەرى، قوعام حاۋىپسىزدىگى ورگاندارى قاتاڭ سوققى بەرىپ، بارىنشا قىسىم كورسەتسە دە، اتالعان قىلمىس كۇماندىلارى تىزگىنىن تارتپاعان، قولىن تيماعان، زاڭعا قايشى قىلمىستىق ارەكەتتەردى ۇزدىكسىز ۇيىمداستىرىپ ورىستەتىپ كەلگەن. بۇل توپتاعى قاشقىندارعا قاتىستى قىلمىس فاكتتەرى ايقىن، دالەل - ىسپاتتار تولىق، جىجياڭنىڭ حاڭجوۋ، ۋىنجوۋ قالالارى، فۋجياننىڭ چۋانجوۋ، لۇڭيان قالالارى، حىناننىڭ پيڭدىڭشان قالاسى، گۋاڭدۇڭنىڭ شىنجىن قالاسى، يۇنناننىڭ كۇنميڭ قالاسى جانە چۇڭچيڭ قالاسى قاتارلى جەرلەردەگى قوعام حاۋىپسىزدىگى ورگاندارى ولاردىڭ ۇستىنەن سيلىقتى قۋعىنداۋ بۇيرىعىن اشىق جاريالاعان.

قوعام حاۋىپسىزدىگى ورگاندارى قاتىستى قىلمىس كۇماندىلارىن جاعدايدى ايقىن تانىپ، ات باسىن تارتىپ، ىرىقتىلىقپەن ءوزىن مالىمدەپ، كەڭشىلىكپەن ءبىر جاقتى ەتۋگە قول جەتكىزۋگە قۋزايدى. سونىمەن بىرگە، قوعامنىڭ ءار سالاسىنداعىلار مەن قالىڭ حالىق جۇرتشىلىعىنىڭ بەلسەندىلىكپەن اشكەرەلەۋىن، قىلمىس كۇماندىلارىن ۇستاۋعا سايكەسۋىن ءۇمىت ەتەدى. ءونىمدى دەرەك بەرىپ جانە قىلمىس كۇماندىلارىن قولعا الۋعا كومەكتەسىپ ەڭبەك سىڭىرگەندەردى قوعام حاۋىپسىزدىگى ورگاندارى زاڭ بويىنشا قورعايدى جانە ولاردى سيلايدى.

كەلۋ قاينارى: حالىق تورابى