قىرعىزستان ورتالىق سايلاۋ كوميتەتى پارلامەنتتىڭ الدىن الا سايلاۋ ناتيجەسىن تۇراقتاندىردى

شينحۋا اگەنتتىگىنىڭ 12 - ايدىڭ 10 – كۇنى بىشكەكتەن بەرگەن حابارى. قىرعىزستان ورتالىق سايلاۋ كوميتەتى تورابى 12 - ايدىڭ 10 - كۇنى حابار جاريالاپ بىلاي دەدى: بۇل كوميتەت قىرعىزستان پارلامەنتىنىڭ الدىن الا سايلاۋ ناتيجەسىن تۇراقتاندىردى.

قىرعىزستان ورتالىق سايلاۋ كوميتەتى سايلامدى 30 نەشە سايلاۋ رايونىندا وتكىزۋدى ۇيعاردى. داۋىس بەرۋ ناتيجەسىنە ساي، 29 سايلاۋ رايونىنان جيىنى 87 پارلامەنت مۇشەسى سايلاندى. 13 ـ سايلاۋ رايونى سايلاۋ زاڭىنىڭ تالابىنا قايشىلىق جاساعاندىعى سەبەپتى، ونىڭ سايلاۋ ناتيجەسى كۇشكە يە ەمەس دەپ تانىلادى.

بۇل رەتكى سايلاۋ 11 – ايدىڭ 30 – كۇنى وتكىزىلدى، جالپى ءبىر ميلليون 584 مىڭنان استام سايلاۋشى داۋىس بەرۋگە قاتىناستى.

قىرعىزستان ورتالىق سايلاۋ كوميتەتىنىڭ وسىدان بۇرىن بەرگەن ساندى مالىمەتىنە نەگىزدەلگەندە، وسى رەتكى سايلاۋدا جيىنى 460 كانديدات سايلاۋعا قاتىناسىپ، كوپ داۋىسپەن سايلاۋ ءتۇزىمىن قولدانىپ، جيىنى 30 نەشە ورىندى سايلاۋ رايونىنا ءبولىپ، ءاربىر سايلاۋ رايونى يە بولعان داۋىس سانىنا قاراي 3 پارلامەنت مۇشەسىن سايلاپ شىقتى.

9 – ايدىڭ 25 - كۇنى قىرعىزستان پارلامەنتى ءماجىلىس اشىپ، پارلامەنتتى وزدىگىنەن تاراتۋدى ۇيعاردى. قىرعىزستاننىڭ زۇڭتۇڭى جاپاروۆ بۇيرىققا قول قويىپ، 11 – ايدىڭ 30 – كۇنى پارلامەنت سايلامىن مەرزىمىنەن بۇرىن وتكىزۋدى ۇيعاردى.

قىرعىزستاننىڭ نەگىزگى زاڭىندا قىرعىزستان پارلامەنتى ءبىر پالاتالىق ءتۇزىم بولىپ، مىندەت وتەۋ مەرزىمى 5 جىل دەپ بەلگىلەنگەن.

كەلۋ قاينارى: حالىق تورابى