شينجياڭنان توتە ۇشۋ باستالدى!

12 ـ ايدىڭ 9 ـ كۇنى جۇڭگونىڭ وڭتۇستىك اۆياتسيا سەرىكتەستىگى شىنجىننان التايعا توتە باراتىن كەزەكشى ۇشاقتى رەسمي ىسكە قوستى، بۇل بەيجيڭ، شاڭحاي، گۋاڭجوۋ، شىنجىن سىندى 4 ۇلكەن ءبىرىنشى قاتارداعى قالالاردان ”جۇڭگو قار مەكەنى“ التايعا توتە ۇشاتىن اۋە لەنياسىنىڭ جاپپاي تۇتاسقاندىعىن، بۇكىل ەلدەگى ساياحاتشىلاردىڭ التايعا ساياحاتتاي بارعانداعى ساپار ونىمدىلىگىنىڭ زور دارەجەدە جوعارىلاعاندىعىن كورسەتەدى.

وسى رەت وڭتۇستىك اۆياتسيا سەرىكتەستىگى شىنجىننان التايعا توتە ۇشاتىن اۋە لەنياسىن اشتى، مۇندا A321NEO تۇرپاتتى ۇشاقتى تاڭدادى، ءار اپتانىڭ سەيسەنبى، بەيسەنبى، سەنبى كۇندەرى ۇشۋ مىندەتىن اتقارادى، ناقتى كەزەكشى ۇشاق ۋاقىتى جاريالاندى: باراتىن كەزەكشى ۇشاق CZ5481 ساعات 6:40 تا شىنجىن باۋ ـ ان حالىقارالىق اۋەجايىنان ۇشىپ، ساعات 13:00 دە التاي شۋەدۋ اۋەجايىنا جەتەدى؛ قايتاتىن كەزەكشى ۇشاق CZ5482 ساعات 14:00 دە التاي شۋەدۋ اۋەجايىنان ۇشىپ، ساعات 19:10 دا شىنجىنعا قايتىپ كەلەدى، ەكى جەردىڭ ساپار قاجەتىن دالمە - ءدال ۇشتاستىردى.