قايتالاي ەسكەرتۋ: جۇڭگو ازاماتتارى جۋىردا جاپونياعا بارماعانى ءجون 

سىرتقى ىستەر مينيسترلىگىنىڭ كونسۋلدىق ءبولىمى 12 – ايدىڭ 11 – كۇنى ەسكەرتۋ جاريالاعان:

12 – ايدىڭ 8 – كۇنىنەن بەرى، جاپونيانىڭ بىنجوۋ ارالىنىڭ وڭتۇستىگىنە تاياۋ تەڭىز ايدىنىندا ىلگەرىندى – كەيىندى كوپ رەت جەر سىلكىنگەن، ەڭ زور سىلكىنىس دارەجەسى 7.5 كە جەتكەن. قازىرگە دەيىن، جەر سىلكىنىسىندە كوپتەگەن ادام جارالانعان، جاپونيانىڭ كوپتەگەن جەرىندە تەڭىز شۋىلى بايقالعان، 100 مىڭنان استام ادام باس ساۋعالاۋ تۋرالى نۇسقاۋدى تاپسىرىپ العان. جاپونيانىڭ قاتىستى تاراۋلارى ۇقتىرۋ جاريالاپ، الدا ءتىپتى دە زور جەر سىلكىنىسى تۋىلۋى ىقتيمال دەگەن.

سىرتقى ىستەر مينيسترلىگى مەن جۇڭگونىڭ جاپونيادا تۇراتىن ەلشىلىگى جانە كونسۋلحانالارى جۇڭگو ازاماتتارىنا جۋىردا جاپونياعا بارماۋدى، جاپونيادا تۇراتىن باۋىرلاستارعا جەر سىلكىنىسى جانە ودان تۋىندايتىن اپات جاعدايلارىنا قاتىستى الدىن الا جاريالانعان ەسكەرتۋلەرگە ءجىتى نازار اۋدارۋدى، جەرگىلىكتى ورىنداردىڭ باس ساۋعالاۋ تۋرالى بۇيرىعىنا بويسۇنىپ، ساقتىقتى كۇشەيتىپ، تەڭىز جاعالاۋى قاتارلى جوعارى حاۋىپتى رايونداردان الىس ءجۇرۋدى ەسكەرتكەن. ەگەر شۇعىل جاعدايعا تاپ بولساڭىز، دەر كەزىندە ساقشىعا مالىمدەڭىز ءارى جاپونيادا تۇراتىن ەلشىلىكپەن، كونسۋلحانالارمەن بايلانىس جاساپ كومەك سۇراۋىڭىزعا بولادى.

كەلۋ قاينارى: حالىق تورابى