بۇل ۇلتتىق ءدارى مەملەكەت دارەجەلى عىلىمي زەرتتەۋ ارناۋلى نىسانىنا قول جەتكىزدى 

انار بۇلت \ شينجياڭ گازەتىنىڭ ءتىلشىسى گو چيان 12 – ايدىڭ 15 – كۇنى ۇرىمجىدەن حابارلايدى. جۋىردا شينجياڭ مەديتسينا داشۋەسىنىڭ قاراماعىنداعى 4 ـ ەمحانا (اۆتونوميالى رايوندىق جۇڭگوشا شيپاحانا) باستاماشىلىق ەتكەن، شينجياڭ ۇيعۇرشا ءدارى ـ دارمەك شەكتى جاۋاپكەرشىلىك سەرىكتەستىگى قاتىناسقان مەملەكەتتىك عىلىم ـ تەحنيكالىق كەلەلى ارناۋلى تاقىرىپ — «جۇرەكتى قۋاتتاندىراتىن مەجۇنى داۋايميشيگى ارقىلى كۇرە تامىر قويمالجىڭىنىڭ قاتقان داقتارىنىڭ بىرىگىپ قانداعى مايدىڭ قالىپسىزدىعىن تۋىنداتۋىن ەمدەۋ تۋرالى سالىستىرمالى كلينيكالىق زەرتتەۋ جۇرگىزۋ» رەسمي باستالعان. بۇل شينجياڭدا تۇڭعىش رەت كاسىپورىن ءونىمىنىڭ اتىمەن اتالعان مەملەكەتتىك عىلىم ـ تەحنيكاداعى كەلەلى ارناۋلى تاقىرىپ بولىپ، شينجياڭدا ۇلتتىق ءدارى ـ دارمەكتى وسىزامانداندىرىپ زەرتتەۋ جانە كاسىپ سالاسىمەن ۇشتاستىرۋ جاعىندا شەشۋشى ءبىر قادام تاستالعانىن كورسەتەدى.

شينجياڭ ۇيعۇرشا ءدارى – دارمەك شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى، باس ينجەنەرى يىن حايلۇڭ بىلاي دەپ تانىستىردى: جۇرەكتى قۋاتتاندىراتىن مەجۇنى داۋايميشيگى ۇيعۇر مەديتسيناسىنىڭ كلاسسيكالىق تاجىريبە ءادىسى بويىنشا وسىزامانداندىرىپ جاسالعان ءدارى، 2001 ـ جىلى بازارعا سالىنعان، جۇرەك اۋرۋى، جۇرەك شانشۋى قاتارلى جۇرەك - قان تامىر اۋرۋلارىن ەمدەۋگە قولدانىلادى. بۇل رەتكى ارناۋلى زەرتتەۋدىڭ ماقساتى — قاتاڭ كلينيكالىق زەرتتەۋ جۇرگىزۋ ارقىلى بۇل ءدارىنىڭ كۇرە تامىرداعى قويمالجىڭنىڭ قاتقان داقتارىنىڭ بىرىگىپ قانداعى ماي قۇرامىنىڭ قالىپسىزدىعىن تۋىنداتۋىن ەمدەۋ جاعىنداعى ونىمدىلىگى مەن حاۋىپسىزدىگىن جۇيەلى باعالاۋ، جوعارى دارەجەلى دالەلدەۋگە مەديتسينالىق ىسپات قالىپتاستىرۋ ءارى جالپىلاستىرۋعا بولاتىن ەمدەۋ جوباسىن ورناتۋ.

كەلۋ قاينارى: حالىق تورابى