قاتىستى تاراۋلار دوۋين، شياۋحۇڭشۋ قاتارلى ينتەرنەتتىك تەكشەلەردىڭ جاۋاپتىلارىن شاقىرىپ سويلەستى

بەيجيڭ قالالىق تۇرعىن ءۇي جانە قالا – اۋىل قۇرىلىسى مەكەمەسىنىڭ 12 – ايدىڭ 17 – كۇنى بەرگەن حابارىنا قاراعاندا، ينتەرنەت ەكولوگيالىق ورتاسىن جونگە سالۋدى كۇشەيتىپ، قورا – جاي سالاسىنا قاتىستى ينتەرنەتتەگى بىلىققان جاعدايدى تەجەۋ ءۇشىن، جۋىردا بەيجيڭ قالاسىنداعى تاراۋلار دوۋين، شياۋحۇڭشۋ، بەيكى، 58 تۇڭچىڭ، شيانيۇي، ليانجيا، ۋو - اي ۋوجيا، مايتيان قاتارلى ينتەرنەت تەكشەلەرىنىڭ جاۋاپتىلارىن شاقىرىپ سويلەستى.

ماجىلىستە مىنالار اتاپ كورسەتىلدى: ءبىر ءبولىم جەكە مەديا تىركەلگىلەرىندە ينتەرنەتتە بەيجيڭ قالاسىنىڭ قورا – جاي بازارىنىڭ بولاشاعىنا سەنىمسىزدىك تانىتۋ، قورا – جاي بازارىندا ۇرەي تۋدىرۋ، جالعان ينفورماتسيالار جايۋ، جالعان ءۇي قاينارى ارقىلى كورىلىمگە يە بولۋ قاتارلى بەلگىلەمەگە قايشى ينفورماتسيالاردى جاريالاۋ جانە تاراتۋ ماسەلەسى ورىن تەۋىپ، بازار ءتارتىبىن اۋىر دارەجەدە بۇلدىرگەن. ماجىلىستە ءارقايسى تەكشەلەردەن ءوزىن – ءوزى تەكسەرۋدى جاپپاي ورىستەتىپ، بەلگىلەمەگە قايشى ينفورماتسيالاردى دەرەۋ ينتەرنەتتەن ءوشىرىپ، بەلگىلەمەگە قايشىلىق جاساعان تىركەلگىلەردى ءبىر جاقتى ەتۋدى ءارى كاسىپ سالاسىنا قاتىستى ينفورماتسيالاردى ىشكى جاقتا تەكسەرەتىن ۇدايىلانعان مەحانيزمدى تەز ارادا ورناتۋدى جانە كەمەلدەندىرۋدى تالاپ ەتكەن.

كەلۋ قاينارى: حالىق تورابى