ەگيپەت ءوز ەلىنىڭ 14 ازاماتىنىڭ گرەتسيانىڭ وڭتۇستىك تەڭىز ايدىنىندا قازا بولعاندىعىن تۇراقتاندىردى

شينحۋا اگەنتتىگىنىڭ 12 – ايدىڭ 16 – كۇنى قاھيرادان بەرگەن حابارى. ەگيپەتتىڭ سىرتقى ىستەر مينيسترلىگى 12 – ايدىڭ 16 – كۇنى مالىمدەمە جاريالاپ، تاياۋدا گرەتسيانىڭ وڭتۇستىك تەڭىز ايدىنىندا تۋىلعان زاڭسىز قونىس اۋدارۋشىلاردىڭ كەمەسى اۋدارىلۋ وقيعاسىندا 14 ەگيپەت ازاماتىنىڭ قازا بولعانىن، بۇدان سىرت 13 ەگيپەت ازاماتىنىڭ ءىز - توزسىز كەتكەندىگىن تۇراقتاندىردى.

مالىمدەمەدە بىلاي دەلىندى: شىرعالاڭ تۋىلعان كەمەدە ۇقساماعان مەملەكەتتەن كەلگەن 34 زاڭسىز قونىس اۋدارۋشى بولعان، قازا بولعانداردىڭ ىشىندە 14 ەگيپەت ازاماتى بار . ەگيپەتتىڭ گرەتسيادا تۇراتىن باس ەلشىحاناسى 13 ەگيپەت ازاماتى شىرعالاڭدا ءىز – توزسىز كەتكەنىن ايتتى. قازىر ەگيپەتتىڭ قاتىستى تاراۋلارى قاتىستى جاعدايلارعا نازار اۋدارۋدا.

گرەتسيا مەملەكەتتىك راديو – تەلەۆيزيا سەرىكتەستىگىنىڭ حابارىنا قاراعاندا، گرەتسيا تەڭىز جاعالاۋى قورعاۋشىلار اترەتى 12 – ايدىڭ 6 - كۇنى كريت ارالى يەراپاترا قالاشىعىنىڭ وڭتۇستىگىندەگى 26 تەڭىز ميلى قاشىقتاعى تەڭىز ايدىنىندا قونىس اۋدارۋشىلاردى باسقان مەڭگەرۋسىز كەتكەن كەمەنى بايقاعان. جەل قاشقاندىقتان، بۇل جەل تولتىرىلعان رازىنكە قايىقتىڭ جارىمى سۋعا باتىپ كەتكەن. شىرعالاڭدا كەم دەگەندە 18 ادام قازا بولىپ، ەكى ادام عانا قۇتقارىلعان.

تاياۋ جىلداردان بەرى گرەتسيا زاڭسىز قونىس اۋدارۋشىلاردىڭ ەۆروپاعا قاشىپ كىرەتىن نەگىزگى قاقپالارىنىڭ بىرىنە اينالدى، قاتىستى تەڭىز ايدىندارىندا كەمەلەردىڭ سۋعا باتۋ شىرعالاڭى كوپ رەت تۋىلىپ، اۋىر ءولىم – ءجىتىم بولدى.