پۋتين: ”تاياۋ جىلداردان بەرى جارىققا شىققان بارلىق ماسەلەنى“ بەيبىت جولمەن شەشۋگە دايىندالادى

شينحۋا اگەنتتىگىنىڭ 12 – ايدىڭ 17 - كۇنى ماسكەۋدەن بەرگەن حابارى. رەسەيدىڭ زۇڭتۇڭى پۋتين 12 – ايدىڭ 17 - كۇنى رەسەي قورعانىس مينيسترلىگىنىڭ كەڭەيتىلگەن ماجىلىسىنە قاتىناسقاندا بىلاي دەدى: رەسەي ”كەلىسسوز وتكىزۋگە بۇرىنعىداي دايىندالادى ءارى تاياۋ جىلداردان بەرى جارىققا شىققان بارلىق ماسەلەنى بەيبىت جولمەن شەشۋگە دايىندالادى“.

پۋتين بۇنىڭ ناقتى قانداي ماسەلەلەر ەكەندىگىن تۇسىندىرمەدى، الايدا 2022 - جىلعى رەسەي مەن ۋكراينا قاقتىعىسىنىڭ ۋشىعۋىنىڭ باستاماشىسى رەسەي ەمەس دەگەندى اتاپ كورسەتتى. ”ۋكراينانىڭ ءبۇلدىرۋشى كۇشى باتىستىڭ قولداۋىنا يە بولدى، ءىس جۇزىندە بۇل سوعىستى باتىس ەلدەرىنىڭ ءوزى قوزعادى، ءبىز تەك ونى اياقتاتۋدى عانا ويلايمىز“.

پۋتين بىلاي دەدى: ا ق ش الدىڭعى كەزەكتى ۇكىمەتى ماقساتتى تۇردە ”ءىستى قارۋلى قاقتىعىسقا قاراي باستادى“، الايدا رەسەيگە باعىتتالعان بارلىق ءبۇلدىرۋ جوسپارى تۇگەلدەي تۇبەگەيلى ساتسىزدىككە ۇشىرادى. رەسەي ا ق ش - نىڭ وسى كەزەكتى ۇكىمەتىمەن تىلدەسىپ جاتىر، ەۆروپانىڭ دا رەسەيمەن تىلدەسۋىن ءۇمىت ەتەمىز.

پۋتين تاعى بىلاي دەدى: رەسەي ارمياسى، ءسوز جوق، تەحنيكالىق وزىق ورىندى ۇزدىكسىز ساقتاۋى كەرەك، بۇل قۇلتەمىر تەحنيكاسىن، ينفورماتسيا تەحنيكاسىن، جاڭا ماتەريالداردى جەدەل ەنگىزۋدەن ءارى جاساندى زەردە تەحنيكاسىنىڭ مەڭگەرۋ جۇيەسى مەن دەربەس سوعىس جۇرگىزۋ جۇيەسىندە قولدانىلۋىن كەڭەيتۋدەن دەرەك بەرەدى.

كەلۋ قاينارى: حالىق تورابى