گۋان XX تى ۇكىمەت قىزمەتكەرى قاتارىنا قابىلداۋعا بولمايدى 

يۇننان ولكەسى چۇيجيڭ قالاسى چيلين رايوندىق حالىق ۇكىمەتى اسكەرلىككە قابىلداۋ كەڭسەسى 12 – ايدىڭ 17 – كۇنى «گۋان XX تىڭ اسكەرلىك مىندەت وتەۋدەن باس تارتقانى ءۇشىن بىرلەسىپ جازالاۋدى اتقارۋ جونىندەگى حابارلاندىرۋىن» جاريالاعان. جالپى مازمۇنى مىناداي:

گۋان XX، ەر، يزۋ، چۇيجيڭ قالاسى چيلين رايونى سىيىڭ قالاشىعىنىڭ ادامى. 2003 – جىلى 1 – ايدا تۋعان، 2025 – جىلى 9 – ايدا چۇيجيڭ قالاسى چيلين رايونىنان اسكەرلىككە قابىلدانىپ، ءمالىم قوسىنعا بارىپ اسكەرلىك مىندەت وتەگەن. گۋان XX قوسىنعا قابىلدانعان سوڭ، جاپا تارتۋدان، شارشاپ - شالدىعۋدان جالتارىپ، كەرەناۋ يدەيادا بولىپ، ءتۇرلى سىلتاۋلارمەن اسكەرلىك مىندەت وتەۋدەن باس تارتقان. قوسىن مەن رايوندىق اسكەرلىك مىندەتكە قابىلداۋ كەڭسەسى، قالاشىقتىق قارۋلى قوسىن جانە ونىڭ وتباسىنداعىلار تالاي رەت سىرلاسىپ، تاربيە بەرىپ، اسكەرلىك مىندەت وتەۋدەن باس تارتۋعا قاتىستى ساياسات – تۇزىمدەر مەن مۇنداي ارەكەتتىڭ زاردابى جونىندە ۇگىت جۇرگىزسە دە، اسكەرلىك مىندەت وتەۋ بورىشىن اتقارۋدان باس تارتقان. 2025 – جىلى 11 – ايدىڭ 18 – كۇنى گۋان XX ءوزى تۇرعان قوسىننان شەگىندىرىلگەن.

گۋان XX تىڭ اسكەرلىك مىندەت وتەۋدەن باس تارتۋ ارەكەتىنىڭ سيپاتى اۋىر، ىقپالى ناشار بولعان. اسكەرلىك مىندەت وتەۋ ءتۇزىمىنىڭ قاتاڭدىعىن شىنايى قورعاپ، مەملەكەت قورعانىسى ىستەرىنىڭ دامۋىن بەكەمدەۋ، بۇكىل رايونداعى ۇيلەسىمدى جاستاعى جاستارعا ەسكەرتۋ جاساپ، تاربيە بەرۋ ءۇشىن، «جۇڭحۋا حالىق رەسپۋبليكاسىنىڭ اسكەرلىك مىندەت وتەۋ زاڭى»، «قوسىنعا قابىلدانعان جاڭا اسكەرلەردىڭ اسكەرلىك مىندەت وتەۋدەن باس تارتۋىنا قاتىستى ماسەلەلەردى شەشىم ەتۋدە ۋاقىتشا اتقارىلاتىن ءادىس»، «يۇننان ولكەسىنىڭ اسكەرلىك مىندەتكە قابىلداۋ قىزمەتى جونىندەگى ەرەجەسى» قاتارلى قاتىستى زاڭ – ەرەجەلەرگە ساي، گۋان XX تىڭ اسكەرلىك مىندەت وتەۋدەن باس تارتۋ ارەكەتى جونىندە مىناداي جازالاۋ شارالارىن اتقارۋدى ۇيعارعان.

1. مىندەتتى اسكەرلەرگە بەرىلەتىن تيىمدىلىكتەردەن يگىلىكتەنۋى كۇشىنەن قالدىرىلادى، چيلين رايونىنىڭ 2025 – جىلعى مىندەتتى اسكەرلەردىڭ وتباسىنداعىلارعا بەرىلەتىن تيىمدىلىك قاراجاتىن تاراتۋ ولشەمىنىڭ 4 ەسەسىندەي سومادا جيىنى 54374.4 يۋان اقشالاي ايىپ سالىنادى.

2. ۇكىمەت قىزمەتكەرى قاتارىنا قابىلداۋعا نەمەسە «جۇڭحۋا حالىق رەسپۋبليكاسىنىڭ ۇكىمەت قىزمەتكەرى زاڭىنا» ساي باسقارىلاتىن قىزمەتكەرلەر قاتارىنا قابىلداۋعا بولمايدى، مەملەكەت مەنشىگىندەگى كاسىپورىندارعا نەمەسە ءىسورىندارعا قىزمەتكە قابىلداۋعا بولمايدى.

3. ونىڭ جەكەلىك نوپوسىنداعى ”اسكەرلىك مىندەت وتەۋ جاعدايى“ دەگەن ورىنعا ”اسكەرلىك مىندەت وتەۋدەن باس تارتقان“ دەگەن جازۋ ءومىر بويى جازىلادى.

5. مەملەكەت قورعانىسى بورىشىن وتەۋدە اۋىر دارەجەدە سەنىمدىلىكتەن ايىرىلعاندار تىزىمدىگىنە ەنگىزىلىپ، بىرلەسىپ جازالاۋ شارالارى اتقارىلادى.

6. ۇنامسىز تيپ رەتىندە اسكەرلىك مىندەت وتەۋدەن باس تارتقان ارەكەتى مەن وعان قولدانعان جازالاۋ ناتيجەسى اقپارات قۇرالدارى ارقىلى قوعامداعىلارعا اشىق حابارلاندىرىلادى.

اسكەرلىك مىندەت وتەۋ داڭق، قوسىنعا قابىلدانۋ ويىنشىق ەمەس!

كەلۋ قاينارى: حالىق تورابى