شينجياڭدا تۇرعىن ءۇي الەۋمەتتىك جيناق قورىنا قاتىستى جۇمىس ءبىتىرۋ ۋاقىتشا توقتاتىلادى

12 – ايدىڭ 19 – كۇنى ”شينجياڭ تۇرعىن ءۇي جيناق قورى“ ۋيشين تەكشەسى جاريالاعان ۇقتىرۋعا قاراعاندا، جىل سوڭىنداعى ەسەپ جاساۋ مەرزىمىندە تۇرعىن ءۇي الەۋمەتتىك جيناق قورىنا قاتىستى جۇمىستاردى ءبىتىرۋ ۋاقىتشا توقتاتىلادى ءارى ءارقايسى ايماق، وبلىس، قالالارداعى ءبىتىرۋ توقتاتىلاتىن ناقتى جۇمىس تۇرلەرى مەن جۇمىستى ۋاقىتشا توقتاتۋ جانە جۇمىستى قالپىنا كەلتىرۋ ۋاقىتى جاريالانعان.

ۇقتىرۋدىڭ مازمۇنىنا ساي، 2025 – جىلعى قازىنالىق ەسەپ ەسەپ جاساۋ قىزمەتىن ءساتتى ورىنداۋ ءۇشىن، اۆتونوميالى رايونداعى ءارقايسى ايماقتاردا (وبلىس، قالا) 12 – ايدىڭ 26 – كۇنى ساعات 19:30 دان باستاپ، جۇمىس ءبىتىرۋ تەكشەسى، قول تەلەفونداعى App، جەكەلىك ينتەرنەتتىك بانكە تەكشەسى، جۇمىس ورنىنداعى ينتەرنەتتىك جۇمىس ءبىتىرۋ تەكشەسى قاتارلى ارنالار ارقىلى تۇرعىن ءۇي الەۋمەتتىك جيناق قورىنا قاتىستى جۇمىس ءبىتىرۋ ۋاقىتشا توقتاتىلادى (مۇنىڭ ىشىندە، قۇمىل قالالىق تۇرعىن ءۇي الەۋمەتتىك جيناق قورىن باسقارۋ ورتالىعى 12 – ايدىڭ 29 – كۇنى ساعات 19:30 مينۋت وتكەندە ينتەرنەت ارقىلى جانە ينتەرنەتتەن تىس بارلىق جۇمىستاردى ءبىتىرۋدى توقتاتادى، 12 – ايدىڭ 30 – كۇنى ساعات 19:30 مينۋت وتكەندە جۇمىس ورنىنداعى ينتەرنەتتىك جۇمىس ءبىتىرۋ تەكشەسىن توقتاتادى؛ بۇراتالا وبلىستىق تۇرعىن ءۇي الەۋمەتتىك جيناق قورىن باسقارۋ ورتالىعى 12 – ايدىڭ 29 – كۇنى ساعات 19:30 مينۋت وتكەندە جۇمىس ورنىنداعى ينتەرنەتتىك جۇمىس ءبىتىرۋ تەكشەسىن جابادى). 2026 – جىلى 1 – ايدىڭ 4 – كۇنى، ءارقايسى ايماقتار (وبلىس، قالا) تۇگەلدەي ءتۇرلى جۇمىستاردى ءبىتىرۋدى قالپىنا كەلتىرەدى.

جيناق قورعا قاراجات تاپسىرعان ورىندار مەن جەكەلەردىڭ جۇمىس ءبىتىرۋ ۋاقىتىن ۇيلەسىمدى ورنالاستىرۋىن ءۇمىت ەتەمىز، ءوزارا ەسكەرتىپ قويىڭىزدار.

كەلۋ قاينارى: حالىق تورابى