تىڭشى بايقاساڭىز 12339 نومىرىنە تەلەفون جالعاڭىز! مەملەكەت حاۋىپسىزدىگىنە زيان جەتكىزگەن ارەكەتتەردى اشكەرەلەگەن جاي ادامدار سيلىققا يە بولدى 

تەڭىز جاعالاۋىنداعى وڭىردەگى ءبىر تۇرعىن بىرەۋگە مايعا بەرگەن ۇيىنەن ۇنەمى عاجايىپ جاسىل نۇر شىعاتىنىن بايقايدى، وسىدان سەكەم العان ول 12339 نومىرىنە تەلەفون جالعاپ اشكەرەلەيدى، شىنىمەن دە، ونىڭ ءۇيىن مايعا الۋشى ءۇي ىشىندە كاسىپتىك اسپاپتار ارقىلى شالعايداعى ءمالىم تەڭىز ارمياسى بازاسىنداعى اسكەري كەمەلەردى جاسىرىن كەسكىنگە تۇسىرەدى ەكەن.

بالىقشى لاۋجاڭ ءبىر جولى تەڭىزگە شىعىپ بالىق اۋلاۋ بارىسىندا ونىڭ بالىق اۋلاعان اۋىنا بالىق ەمەس، زىلدەي اۋىر ”عاجايىپ نارسە“ ىلىنەدى. ول 12339 نومىرىنە تەلەفون جالعايدى، ناتيجەدە بۇل زاتتىڭ شەكارا سىرتىنداعى تىڭشىلىق قۇرىلىم جاسىرىن ورناتىپ كەتكەن قۇپيا قۇرىلعى ەكەنى راستالادى.

بەيجيڭدە داشۋەدە وقيتىن شياۋشۇي بىرەۋدىڭ مەملەكەتتىڭ قۇپيالىعىن جاسىرىن ساتىپ جۇرگەنىن بايقاپ، دەرەۋ 12339 نومىرىنە تەلەفون جالعاعان.

جىجياڭ داشۋەسىندەگى وقىمىستى لاۋشى شەكارا سىرتىنداعى قۇرىلىمداردىڭ ەلىمىزگە قاتىستى ينفورماتسيالار مەن ساندى مالىمەتتەردى زاڭسىز ۇرلاعانىن بايقاپ، ول دا وسى تەلەفون نومىرىنە دەرەۋ تەلەفون جالعاعان.

مەملەكەتتىك حاۋىپسىزدىك ورگاندارىنىڭ ەسكەرتۋى

ەگەر مەملەكەت حاۋىپسىزدىگىنە زيان جەتكىزەتىن كۇماندى ىستەردى بايقاساڭىز، ءارى – ءسارى بولماستان، دەرەۋ 12339 نومىرىنە توتە تەلەفون جالعاڭىز! تەلەفون قابىلداۋشىلار اپتا بويى 24 ساعات جەلىدە بولادى، قاي ۋاقىتتا بولسىن تەلەفوندى قابىلداپ ءبىر جاقتى ەتەتىن قىزمەتكەر بار، ءسىزدىڭ سيلىققا يە بولۋىڭىز دا مۇمكىن.

كەلۋ قاينارى: حالىق تورابى