تايلاند جۇڭگونىڭ تايلاند ـ كامبودجا شەكارا قاقتىعىسىنىڭ باسەڭدەۋىن ىلگەرىلەتۋدە اتقارعان رولىنا العىس ايتتى

شينحۋا اگەنتتىگىنىڭ 12 – ايدىڭ 23 - كۇنى بانكوكتەن بەرگەن حابارى. تايلاند سىرتقى ىستەر مينيسترلىگىنىڭ مالىمدەمەشىسى نيكوند 12 – ايدىڭ 23 - كۇنى بىلاي دەدى: تايلاند جۇڭگونىڭ تايلاند ـ كامبودجا شەكارا قاقتىعىسىنىڭ باسەڭدەۋىن ىلگەرىلەتۋدە اتقارعان رولىنا العىس ايتادى. نيكوند سول كۇنى تايلاند ـ كامبودجا شەكارا جاعدايىنا قاتىستى اقپار جاريالاۋ ماجىلىسىندە بىلاي دەدى: جۇڭگونىڭ ءوز ءتاسىلى ارقىلى تايلاند ـ كامبودجا شەكارا قاقتىعىسىنىڭ باسەڭدەۋىن بەلسەنە ىلگەرىلەتكەندىگىنە العىس ايتامىز، تايلاند جۇڭگونىڭ وبيەكتيۆ، ءادىل مايداندا تۇرعاندىعىن القايدى.

نيكوند اقپار جاريالاۋ ماجىلىسىندە تايلاند جاقتىڭ 12 – ايدىڭ 22 - كۇنى شىعىس وڭتۇستىك ازيا ەلدەرى وداعى سىرتقى ىستەر مينيسترلەرىنىڭ ەرەكشە ماجىلىسىنە قاتىناسۋىنا قاتىستى جاعدايلاردى تانىستىردى. ول مىنانى قايتالاي دارىپتەدى: تايلاند جاق ماسەلەنى ەكى جاقتى جۇلگە ىشىندە شەشۋگە باستان ـ اياق تاباندى بولادى، ءارقانداي باياندى شەشۋ جوباسىن تايلاند پەن كامبودجا تىكەلەي ىلگەرىلەتۋى كەرەك.

ەكى جاق 12 – ايدىڭ 24 - كۇنى تايلاندتا تايلاند ـ كامبودجا شەكارا باس كوميتەتىنىڭ ءماجىلىسىن اشپاقشى، ەكى ەل ارمياسى سوعىس توقتاتۋ ورنالاستىرۋى جونىندە كەڭەس وتكىزبەكشى.

كەلۋ قاينارى: حالىق تورابى