15 مينۋتتا تيانشاننىڭ سولتۇستىك سىلەمىنەن كەسىپ وتۋگە بولادى! شينجياڭداعى بۇل تاس جول نىسانىندا جاڭا ىلگەرىلەۋشىلىك بولدى

12 – ايدىڭ 23 – كۇنى تاڭ سارىدە، G577 تاس جول جەلىسى جىڭ اۋدانى – قۇلجا اۋدانى تاس جول نىسانىنداعى تەجەۋشى سيپاتتاعى شەشۋشى ينجەنەرياسى سولتۇستىك تيانشان تۋنەلى ءساتتى تۇتاستىرىلدى.

سۋرەتتە: سولتۇستىك تيانشان تۋنەلىنىڭ شىعار اۋىزى. كەلۋ قاينارى: جۇڭگو تەمىر جولى ۋيشين تەكشەسى

G577 جىڭ اۋدانى – قۇلجا اۋدانى تاس جول جەلىسىندە جالپى 5 جەردە تۋنەل جاسالعان، مۇنىڭ ىشىندە، سولتۇستىك تيانشان تۋنەلى بۇكىل جەلىدەگى ءتۇيىندى ينجەنەريا سانالادى، تيانشاننىڭ سولتۇستىك سىلەمىنەن ءوتىپ، كوپ جەردە وپىرىلمالى قاباتتاعى ۇنتاقتالعان بەلدەۋدى جانە جوعارى قىسىمدى سۋلى بولىكتى كەسىپ وتەدى.

سولتۇستىك تيانشان تۋنەلى تۇستاستىرىلعان سوڭ، اۆتوموبيلدەردىڭ تيانشاننىڭ سولتۇستىك سىلەمىنەن وتۋىنە تەك 15 مينۋت ۋاقىت قاجەت، نىلقى اۋدانى مەن جىڭ اۋدانى اراسىندا قاتىناۋعا كەتەتىن ۋاقىت بۇرىنعى 5 ساعاتتان 2 ساعاتقا قىسقارادى، بۇل وڭىرلىك قاتىناستىڭ ونىمدىلىگىن بارىنشا جوعارىلاتادى.

سۋرەتتە: G577 جىڭ اۋدانى – قۇلجا اۋدانى تاس جول جەلىسى. كەلۋ قاينارى: جۇڭگو تەمىر جولى ۋيشين تەكشەسى

G577 جىڭ اۋدانى – قۇلجا اۋدانى تاس جول جەلىسىنىڭ جالپى ۇزىندىعى 92.545 كيلومەتر، تيانشان تاۋىنىڭ سولتۇستىك سىلەمىن كەسىپ وتەدى، ىلە اڭعارىنا قاتىنايتىن ەڭ قولايلى تاس جولداردىڭ ءبىرى، جوبالانعان ساعاتتىق جىلدامدىق 100 كيلومەتر، قوس باعىتتاعى ءتورت اۆتوموبيىل جولى ورنالاستىرىلعان 1 – دارەجەلى جول ولشەمى بويىنشا جاسالعان. نىسان اياقتاپ، اۆتوموبيل قاتىناعان سوڭ، ۇرىمجىدەن قۇلجا قالاسىنا باراتىن جول شامامەن 90 كيلومەتر قىسقارادى، قاتىناۋ ۋاقىتى 7 ساعاتتان 5 ساعاتقا قىسقارادى ءارى كەڭسايداعى لاي كوشكىنى مەن قار كوشكىنى ءجيى تۇسەتىن جول بولىگىنەن اينالىپ وتۋگە مۇمكىندىك جاسالىپ، جىل بويى حاۋىپسىز قاتىناۋدى ىسكە اسىرۋعا بولادى.

كەلۋ قاينارى: حالىق تورابى