شينجياڭنان 7 اۋدان (قالا، رايون) 2025 – جىلعى ەكولوگيالىق وركەنيەت قۇرىلىسىنىڭ ”التىن ماڭدايشالىعىن“ الدى

12 - ايدىڭ 24 – كۇنى ەكولوگيالىق ورتا مينيسترلىگى 2025 - جىلعى ەكولوگيالىق وركەنيەت قۇرىلىسىنان ۇلگى كورسەتۋ رايونى مەن ”تۇنىق سۋ، جاسىل تاۋ — باعالى بايلىق“ امالياتىندا جاڭالىق اشۋ بازاسىنىڭ تىزىمدىگىن جاريالادى، شينجياڭ ۇيعۇر اۆتونوميالى رايونىنان 4 اۋدان (قالا، رايون) ەكولوگيالىق وركەنيەت قۇرىلىسىنان ۇلگى كورسەتۋ رايونىنىڭ قاتارىنان، 3 اۋدان (قالا، رايون) ”باعالى بايلىق“ امالياتتىق جاڭالىق اشۋ بازاسىنىڭ قاتارىنان ورىن الدى.

مۇندا سانجى حۇيزۋ اۆتونوميالى وبلىسىنىڭ ماناس اۋدانى، بۇراتالا موڭعۇل اۆتونوميالى وبلىسىنىڭ بۇراتالا قالاسى، قاشقار ايماعىنىڭ قاشقار قالاسى، ىلە قازاق اۆتونوميالى وبلىسىنىڭ كۇنەس اۋدانى ەكولوگيالىق وركەنيەت قۇرىلىسىنان ۇلگى كورسەتۋ رايونى قاتارىنان ورىن الدى؛ تۇرپان قالاسىنىڭ گاۋچاڭ رايونى، تارباعاتاي ايماعىنىڭ شاعانتوعاي اۋدانى، التاي ايماعىنىڭ التاي قالاسى ”تۇنىق سۋ، جاسىل تاۋ — باعالى بايلىق“ امالياتتىق جاڭالىق اشۋ بازاسى قاتارىنان ورىن الدى.

ەكولوگيالىق وركەنيەت قۇرىلىسىنان ۇلگى كورسەتۋ رايونى مەن ”تونىق سۋ، جاسىل تاۋ — باعالى بايلىق“ امالياتىندا جاڭالىق اشۋ بازاسى — ەكولوگيالىق وركەنيەت قۇرىلىسىنىڭ ”التىن ماڭدايشالىعى“، پارتيا ورتالىق كوميتەتىنىڭ لاستانۋدان ساقتانۋ جانە ونى جونگە سالۋدان قامال الۋ شايقاسىن ۇزدىكسىز ىشكەرىلەي جۇرگىزىپ، كورىكتى جۇڭگو قۇرىپ، ادام مەن تابيعاتتىڭ جاراسىمدى، قاتار ءومىر ءسۇرۋىن ىلگەرىلەتۋ جونىندەگى شەشىمدەرى مەن ورنالاستىرۋلارىن تياناقتاندىرۋدىڭ ماڭىزدى تۇتقاسى. بۇل جىلدان باستاپ سارالاۋ قىزمەتىندە مەملەكەتتىڭ تالابى بويىنشا وزگەرىس بولىپ، اينالىم شەكتى مەرزىمى ءبىر جىلدان ءۇش جىلعا رەتتەلىپ، سانى مەڭگەرىلىپ، ۇزدىكتەردىك ىشىنەن ۇزدىكتەرى تاڭدالىپ، قۇرىلىستىڭ ساپاسىنا بولعان تالاپتى ونان ارى جوعارىلاتتى، وركەنيەتتى رايون قۇرۋدىڭ ۇلگىلىك، جەتەكشىلىك رولىن ورناتتى؛ جالپى اينالىم شەكتى مەرزىمىن يكەمدى باقىلاۋ ـ باسقارۋدى اتقارىپ، اتاق العانىنا 6 جىل تولعان وركەنيەتتى ورىن قۇرۋ وڭىرلەرىنە قايتالاي تەكسەرۋ، باعالاۋ جۇرگىزىپ، ”سوڭىندا قالعاندارىن قاتاردان شىعارىپ“، جەتەكشىلىك ەتۋدىڭ، ۇلگى كورسەتۋدىڭ باياندىلىعىنا شىنايى كەپىلدىك ەتتى، ماڭدايشالىقتى ءىلىپ قويۋعا بولمايدى.

قازىرگە دەيىن، وسى جولعى قاتاردان ورىن العان اۋدانداردى (رايون، قالا) قوسقاندا، شينجياڭدا ەكولوگيالىق وركەنيەت قۇرىلىسىنان ۇلگى كورسەتەتىن 15 ى، ”تونىق سۋ، جاسىل تاۋ — باعالى بايلىق“ امالياتىندا جاڭالىق اشۋ بازاسىنان جەتەۋى بار.

كەلۋ قاينارى: حالىق تورابى