گۋاڭجوۋ كەدەن مەكەمەسى تۇقىمى قۇرۋعا اينالعان حايۋاناتتاردىڭ دەنەسىنەن جاسالعان بۇيىمداردان 23 بۇيىمدى انىقتاپ قولعا ءتۇسىردى

ورتالىق تەلەۆيزيا تورابىنىڭ حابارى: ”كەدەن اقپاراتتارى“ ۋيشين تەكشەسىنىڭ حابارلاۋىنشا، جۋىردا گۋاڭجوۋ كەدەنى جولدامالاردى شەكارادان كىرگىزۋ ارناسىنان تۇقىمى قۇرۋعا اينالعان حايۋاناتتاردىڭ دەنەسىنەن جاسالعان بۇيىمداردان 23 بۇيىمدى انىقتاپ قولعا تۇسىرگەن، بۇل بۇيىمداردىڭ ىشىندە ءپىل تىسىنەن جاسالعان 11 بۇيىم جانە بيسسانىڭ دەنەسىنەن جاسالعان 12 بۇيىم قامتىلعان، جالپى سالماعى 112 گرام بولعان.

قازىرگى زامان ءپىلى مەن بيسسا ەكەۋى دە «تۇقىمى قۇرۋعا اينالعان حايۋاناتتار مەن وسىمدىكتەرگە قاتىستى حالىقارالىق ساۋدا شارتىنىڭ» (CITES) قوسىمشا قۇجاتىنا تىركەلگەن قورعالاتىن حايۋاناتتار.

كەدەن مەكەمەسى مىنانى ەسكەرتەدى: «تۇقىمى قۇرۋعا اينالعان جابايى حايۋاناتتار مەن وسىمدىكتەرگە قاتىستى حالىقارالىق ساۋدا شارتى» مەن «جۇڭحۋا حالىق رەسپۋبليكاسىنىڭ جابايى حايۋاناتتاردى قورعاۋ زاڭى» قاتارلى بەلگىلەمەلەرگە ساي، زاڭدى تۇردە «يمپورت – ەكسپورت ەتۋگە رۇقسات بەرۋ ىسپاتى» قاتارلى ماتەريالدارعا يە بولعان ءارى بەلگىلەمە بويىنشا كەدەندىك رەسيمەتتەردى بىتىرگەندەردەن سىرت، تۇقىمى قۇرۋعا اينالعان ورگانيزمدەر مەن ولاردىڭ دەنەسىنەن جاسالعان بۇيىمداردى ساۋدالاۋ، الىپ ءجۇرۋ، پوچتادان جولداۋ ارقىلى شەكارادان كىرگىزۋگە نەمەسە شىعارۋعا تيىم سالىنادى، سيپاتى اۋىر بولىپ قىلمىس قالىپتاستىرعانداردىڭ قىلمىستىق ىستەر جاۋاپكەرشىلىگى زاڭ بويىنشا قۋزاستىرىلادى.

كەلۋ قاينارى: حالىق تورابى