قازىنا مينيسترلىگى مەن شۇعىل جاعدايلارعا توتەپ بەرۋدى باسقارۋ مينيسترلىگى قىس پەن كوكتەمدە تۇرمىسىندا قيىنشىلىعى بارلارعا ۋاقىتشا كومەك كورسەتۋ قاراجاتى رەتىندە 4 ميلليارد 400 ميلليون يۋان قاراجات ءبولدى

حالىق گازەتىنىڭ ءتىلشىسى چۇي جىحان 12 – ايدىڭ 28 – كۇنى بەيجيڭنەن حابارلايدى. قازىنا مينيسترلىگى مەن شۇعىل جاعدايلارعا توتەپ بەرۋدى باسقارۋ مينيسترلىگى ەلىمىز بويىنشا اپاتقا ۇشىراعان جۇرتشىلىققا قىس پەن كوكتەمدە كومەكتەسۋ قىزمەتىن بەلسەندى ورىستەتىپ، جۋىردا قىس پەن كوكتەمدە تۇرمىسىندا قيىنشىلىعى بارلارعا ۋاقىتشا كومەك كورسەتۋ قاراجاتى رەتىندە 4 ميلليارد 400 ميلليون يۋان قاراجات بولگەن، اپاتقا ۇشىراۋ جاعدايى اۋىر بولعان وڭىرلەرگە، ءۇستىرتتى، سۋىق وڭىرلەرگە، دامۋى كەنجە قالعان وڭىرلەرگە باسا ءمان بەرەدى، تيىمدىلىككە كەنەلەتىندەر سانى 26 ميلليون 10 مىڭ ادامعا جەتىپ، اپاتقا ۇشىراعان جۇرتشىلىقتىڭ تۇرمىسىنداعى قيىنشىلىقتى شىنايى شەشىم ەتىپ، اپاتقا ۇشىراعان جۇرتشىلىقتىڭ قىستان جىلى وتۋىنە كەپىلدىك ەتەدى.

قازىنا مينيسترلىگى مەن شۇعىل جاعدايلارعا توتەپ بەرۋدى باسقارۋ مينيسترلىگى جەرگىلىكتى ورىنداعى قاتىستى تاراۋلاردان قىس پەن كوكتەمدە كومەكتەسۋ قىزمەتىن ويداعىداي ىستەۋدىڭ ماڭىزدى ءمانىن تولىق تانىپ، كومەكتەسۋ جوباسىن عىلىمي تۇردە دايىنداپ، تۇرگە، دارەجەگە ءبولىپ كومەكتەسۋ ولشەمىن ەگجەي – تەگجەيلى كەمەلدەندىرىپ، قىزمەت شارالارىن تىڭعىلىقتى، ناقتى اتقارىپ، قاراجاتتى باقىلاۋ – باسقارۋدى كۇشەيتىپ، قاراجاتتى ورتا جولدان يەمدەنۋ، باسقا ماقساتقا جوتكەپ پايدالانۋ، تاراتۋدى كەشەۋىلدەتۋ نەمەسە پايدالانباي باسىپ قويۋ ارەكەتتەرىن باتىل جويىپ، قاراجاتتىڭ ساياساتتىق بەلگىلەمەگە ساي، اپاتقا ۇشىراعان جۇرتشىلىقتىڭ قولىنا دەر كەزىندە تابىستالۋىنا كەپىلدىك ەتۋدى تالاپ ەتكەن.

كەلۋ قاينارى: حالىق تورابى