بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.01.04 15:19 كەلۋ قاينارى : حالىق تورابى
جۋىردا قازىنا مينيسترلىگى، ساۋدا مينيسترلىگى، مەملەكەتتىك باجى ىستەرى باس مەڭگەرمەسى بىرگە ۇقتىرۋ باسىپ تاراتتى، 50 دەي قالادا سيلىقتى تالوندى تۇيىندە سىناق ەتۋ قىزمەتىن ورىستەتۋگە قولداۋ كورسەتەدى، تۇيىندە سىناق ەتەتىن قالالار سيلىقتى تالوننىڭ ەڭ تومەنگى سيلىق سوماسىن (100 يۋاننان تومەن بولماۋى كەرەك)، سيلىق شىعۋ سالىستىرماسىن جانە سيلىقتى ورنالاستىرۋدى وزدەرى تۇراقتاندىرادى، ءبىر پارشا تالونعا شىعاتىن سيلىق سوماسى، پرينسيپتىك جاقتان، 800 يۋاننان اسىپ كەتپەۋى كەرەك، ساياساتتى اتقارۋ مەرزىمى 6 اي.
جۇرتشىلىق سيلىقتى تالون الۋعا قالاي قاتىناسادى؟
سيلىقتى تالوندى تۇيىندە سىناق ەتۋ قىزمەتى بولشەك ساتۋ، اس – سۋ، قونالقى، مادەنيەت – كوركەمونەر، كوڭىل اشۋ، ساياحات، دەنە تاربيە، تۇرعىندارعا قىزمەت وتەۋ قاتارلى سالالارعا سايادى، كۇندەلىكتى تۇرمىستاعى ماڭىزدى تۇتىنۋ تۇرلەرىن قامتيدى، تۇرعىنداردىڭ ”كيىم – كەشەك، اس – سۋ، قونالقى، ءجۇرىس – تۇرىسىمەن“ تىعىز قاتىستى بولادى.
تەك تۇيىندە سىناق ەتەتىن قالالاردا شارتقا ساي كەلەتىن تالون اشتىرعان ءاربىر ادامنىڭ قاتىناسۋىنا بولادى، بارلىعى سيلىققا يە بولۋ ورايىنا يە.
بەلگىلەمەگە قايشى ارەكەتتەردەن قالاي ساقتانۋعا بولادى؟
1. سيلىق اشۋ بارىسىن كۋالاندىرۋ ورىندارى كۋالاندىرادى، سيلىققا يە بولۋ ناتيجەسى اشىق جاريالانادى، زاڭ – تۇزىمگە ساي قوعامداعىلاردىڭ باقىلاۋىن قابىلدايدى.
2. تۇيىندە سىناق ەتەتىن قالالار تەحنيكالىق تاسىلدەردەن تولىق پايدالانىپ، سيلىقتى تالون قيمىلىنىڭ جالپى بارىسىن باقىلاۋدى كۇشەيتىپ، تۇتىنۋدىڭ شىنايى بولۋىنا كەپىلدىك ەتىپ، الدامكوستىكپەن قاراجاتتى الداپ الۋ، قوسىمشا قاراجاتتى اۋىستىرىپ الۋ قاتارلى ارەكەتتەرگە قاتاڭ سوققى بەرەدى.
3. تۇيىندە سىناق ەتۋگە قاتىناساتىن قاتىستى قىزمەتكەرلەردى باقىلاۋ – باسقارۋدى كۇشەيتىپ، كوڭىلگە قاراپ جولدان تايۋ، قارالىق ىستەۋ قاتارلى ارەكەتتەردەن ساقتانۋ كەرەك.
4. تۇيىندە سىناق ەتەتىن قالالار شاعىم ايتۋ جانە اشكەرەلەۋ تاسىلدەرىن جاريالايدى، تۇتىنۋشىلاردىڭ تۇيىندە سىناق ەتۋ بارىسىندا بايقالعان زاڭ – تۇزىمگە قايشى ارەكەتتەردى كەز كەلگەن ۋاقىتتا اڭىس ەتۋىنە بولادى.
كەلۋ قاينارى: حالىق تورابى
