شايدىڭ قالبىرىنا 150 گرام التىن جاسىرىپ، پوچتا ارقىلى الدامكوستەرگە جولداپ جىبەرگەن، ءۇرىمجى ساقشى جاعى ءساتتى بوگەپ قالعان

جۋىردا ءۇرىمجى قالالىق قوعام حاۋىپسىزدىگى مەكەمەسى تيانشان رايوندىق ساقشى بولىمشەسى الدامكوستىك تۋرالى شۇعىل دابىل قاعۋدى تاپسىرىپ الىپ، قاراماعىنداعى وڭىردەگى ءبىر تۇرعىننىڭ تەلەكوم مەن ينتەرنەتتەن پايدالانعان الدامكوستىككە ۇشىراعانىن بىلەدى. تەكسەرۋگە قاراعاندا، بۇل تۇرعىن ”ۆيرتۋالدى ۆاليۋتامەن قارجى قوسۋ – قارجى قۇراۋ“ دەگەن الدامكوستىكتىڭ شىرعاسىنا ءتۇسىپ، اتالمىش ”زور مولشەردە پايداعا كەنەلەسىز“ دەگەن ۋادەگە سەنىپ، قارسى جاقتىڭ ايتۋى بويىنشا 150 گرام التىندى شاي قالبىرىنا جاسىرىپ، پوچتا ارقىلى جولداپ جىبەرگەن. ساقشى جاق دەرەۋ ارەكەتتەنىپ، پوچتالىق جولدامانىڭ جولىن بوگەپ، ەڭ سوڭىندا پوچتادان جولدانعان التىندى تۇگەل قايتارىپ بەرىپ، جۇرتشىلىقتىڭ تابان ەت، ماڭداي تەرىمەن تاپقان مال – مۇلكىن امان – ەسەن ساقتاپ قالادى.

وسى رەتكى الدامكوستىكتىڭ ءتاسىلى جاسىرىندىق ءارى الجاستىرعىشتىق سيپاتقا يە: الدامكوستەر الدىمەن ۆيرتۋالدى ۆاليۋتا، جاڭا تيپتى قارجى قۇراۋ دەگەن جەلەۋلەرمەن سەنىمگە يە بولىپ، سوڭىنان ”اماناتقا ساي حاۋىپسىز باسقارۋ“، ”مال – مۇلىكتى كۋالاندىرۋ“ قاتارلى جەلەۋلەردەن پايدالانىپ، زياندالۋشىلاردى التىن، اشەكەي بۇيىم قاتارلى ناقتى زاتتاردى پوچتا ارقىلى جولداپ بەرۋگە شىرعالايدى، الدا – جالدا بۇل زاتتار پوچتا ارقىلى جولدانسا، ونى قايتارىپ الۋ قيىنعا سوعادى. ساقشى جاق مىنانى قاتاڭ ەسكەرتەدى: قارجى قوسۋ دەگەن اتپەن قىمبات باعالى زاتتاردى جولداپ بەرۋدى تالاپ ەتكەندەردىڭ بارلىعى الدامكوستەر. بارشا جۇرتشىلىقتىڭ حاۋىپسىزدىك تانىمىن كۇشەيتىپ، جوعارى ءوسىم بەرۋ دەگەن شىرعالاۋعا الدانىپ قالماي، ءوزىنىڭ مال – مۇلكىن حاۋىپسىز قورعاۋىن ءۇمىت ەتەمىز! ەگەر كۇماندى جاعدايعا جولىقساڭىز، دەرەۋ ساقشىعا مالىمدەڭىز. انار بۇلت تەكشەسى

كەلۋ قاينارى: حالىق تورابى