بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.01.04 15:18 كەلۋ قاينارى : حالىق تورابى
شينحۋا اگەنتتىگىنىڭ 1 – ايدىڭ 3 – كۇنى بەرگەن حابارى. ۆەنەسۋەلانىڭ بىرلەسكەن مەملەكەتتەر ۇيىمىنداعى ۋاكىلدەر ۇيىرمەسى 1 – ايدىڭ 3 – كۇنى بىرلەسكەن مەملەكەتتەر ۇيىمىنىڭ حاۋىپسىزدىك القالار كەڭەسىنىڭ وسى ايداعى كەزەكتى ءتوراعاسى، سوماليدىڭ بىرلەسكەن مەملەكەتتەر ۇيىمىندا تۇراتىن ۋاكىلى ابۋكار داحير وسمانعا حات جولداپ، ا ق ش – نىڭ ۆەنەسۋەلاعا ”قانقۇيلى، قيسىنسىز ءارى سىڭار جاقتىلى“ قارۋلى شاپقىنشىلىق جاساعانىن قاتاڭ جازعىرعان ءارى حاۋىپسىزدىك القالار كەڭەسىنىڭ شۇعىل ءماجىلىسىن اشۋ قاتارلى 4 ءتۇرلى تالاپتى ورتاعا قويعان.
بۇل 4 ءتۇرلى تالاپتىڭ ىشىندە حاۋىپسىزدىك القالار كەڭەسىنىڭ ءماجىلىسىن اشىپ، ا ق ش – نىڭ شابۋىل جاساۋ ارەكەتىن تالقىلاۋ: ا ق ش – نىڭ ۆەنەسۋەلا حالقى مەن ۇكىمەتىنە قارۋلى شاپقىنشىلىق جاساعانىن قاتاڭ جازعىرۋ؛ ا ق ش – نان ۆەنەسۋەلاعا قاراتقان قارۋلى شابۋىلدى دەرەۋ توقتاتۋدى تالاپ ەتۋ؛ قاجەتتى شارالاردى قولدانىپ، ا ق ش ۇكىمەتىنە شاپقىنشىلىق جاساۋ ارەكەتىنىڭ جاۋاپكەرشىلىگىن ارقالاتۋ قامتىلعان.
حاتتا مىنالار ايتىلعان: ا ق ش – نىڭ وسى رەتكى بۇكىلدەي بەيبىت كۇيدە جاساپ جاتقان مەملەكەتكە ”اياۋسىز دا وپاسىزدىقپەن“ شابۋىل جاساۋداعى ماقساتى — ۆەنەسۋەلانىڭ قازىرگى ۇكىمەتىن ويرانداۋ ءارى ”قۋىرشاق ۇكىمەتتى“ زورلاپ تاڭۋ، وسى ارقىلى اتالعان ەلدىڭ مۇناي بايلىعىن تالان – تاراجىعا سالۋ.
كەلۋ قاينارى: حالىق تورابى
