سىرتقى ىستەر مينيسترلىگىنىڭ مالىمدەمەشىسى ا ق ش – نىڭ ۆەنەسۋەلاعا اسكەري سوققى بەرگەنى جونىندە تىلشىلەردىڭ سۇراۋىنا جاۋاپ قايتاردى

حالىق گازەتىنىڭ 1 – ايدىڭ 3 – كۇنى بەرگەن حابارى. سىرتقى ىستەر مينيسترلىگىنىڭ مالىمدەمەشىسى 1 – ايدىڭ 3 – كۇنى ا ق ش – نىڭ ۆەنەسۋەلاعا اسكەري سوققى بەرگەنى جونىندە تىلشىلەردىڭ سۇراۋىنا جاۋاپ قايتاردى.

ءتىلشى بىلاي دەپ سۇرادى: حابارعا قاراعاندا، ا ق ش ۆەنەسۋەلاعا اسكەري سوققى بەرگەن ەكەن. ترامپتىڭ ”شىنايى الەۋمەتتىك جەلىدە“ جاريالاۋىنشا، ا ق ش ۆەنەسۋەلاعا جانە ونىڭ باسشىسى مادۋروعا كەڭ كولەمدى سوققى بەرۋ ارەكەتىن ورىستەتكەن، مادۋرو مەن ونىڭ حانىمىن مەڭگەرۋگە العان ءارى ولاردى شەكارادان شىعارىپ اكەتكەن. جۇڭگو بۇل جونىندە قانداي پىكىر بىلدىرەدى؟

مالىمدەمەشى بىلاي دەدى: جۇڭگو جاق ا ق ش – نىڭ يەلىك ۇقىقتى مەملەكەتكە كوپە - كورنەۋ قارۋ قولدانعانىنا ءارى ءبىر مەملەكەتتىڭ زۇڭتۇڭىنا قول جۇمساعانىنا تۇرشىكتى، مۇنداي ارەكەتتى قاتاڭ جازعىرادى. ا ق ش جاقتىڭ مۇنداي زورەكەرلىك ارەكەتى حالىقارالىق زاڭعا اۋىر دارەجەدە قايشى كەلىپ، ۆەنەسۋەلانىڭ يەلىك ۇقىعىنا قول سۇققاندىق، لاتىن امەريكاسى مەن كارايب رايونىنىڭ بەيبىتشىلىگى مەن حاۋىپسىزدىگىنە قاتەر توندىرەدى، جۇڭگو جاق باتىل قارسى تۇرادى. ءبىز ا ق ش جاقتى حالىقارالىق زاڭ مەن بىرلەسكەن مەملەكەتتەر ۇيىمىنىڭ ۋستاۆىنىڭ نەگىزگى ماقساتى مەن پرينسيبىنە بويسۇنىپ، باسقا مەملەكەتتىڭ يەلىك ۇقىق حاۋىپسىزدىگىنە سۇعاناقتىق جاساۋدى توقتاتۋعا قۋزايمىز.

كەلۋ قاينارى: حالىق تورابى