تۇركيا جۇڭگو ازاماتتارىنان ۆيزا تالاپ ەتپەۋ ساياساتىن اتقاردى

شينحۋا اگەنتتىگىنىڭ ءتىلشىسى ليۋ لەي 1 – ايدىڭ 2 – كۇنى ستامبولدان حابارلايدى. جەرگىلىكتى ۋاقىت بويىنشا 1 – ايدىڭ 2 – كۇنى تۇستەن بۇرىن ساعات 7 دەن 9 عا دەيىن، جۇڭگونىڭ بەيجيڭ، شاڭحاي، گۋاڭجوۋ قاتارلى جەرلەرىنەن تۇركياعا تىكەلەي ۇشقان كەزەكشى ۇشاقتار ستامبول اۋەجايىنا قوندى. تۇركيانىڭ جۇڭگونىڭ جاي پاسپورتىنا يە ازاماتتارى شەكارادان كىرگەندە ۆيزا تالاپ ەتپەۋ ساياساتى سول كۇنى كۇشكە يە بولدى، تۇڭعىش توپتا وسى قولايلىلىقتان يگىلىكتەنگەن جۇڭگولىق جولاۋشىلار قولايلى تۇردە تۇركيانىڭ شەكاراسىنان كىردى.

سول كۇنى جۇڭگو وڭتۇستىك اۆياتسيا سەرىكتەستىگىنىڭ ستامبولداعى تيجارات ءبولىمى اۋەجايدا قيمىل ۇيىمداستىرىپ، ۆيزا تالاپ ەتپەۋ ساياساتى اتقارىلعان العاشقى كۇنى بارعان جۇڭگولىق جولاۋشىلاردى قابىلدادى ءارى تالەيلى جولاۋشىلارعا ەستەلىك بۇيىم ۇسىندى. تيجارات ءبولىمىنىڭ باس ديرەكتورى شۇي جيافىڭنىڭ تانىستىرۋىنشا، ۆيزا تالاپ ەتپەۋ ساياساتى اتقارىلعان سوڭ جولاۋشىلار مولشەرى ارتۋى مۇمكىن ەكەنىن ەسكەرە وتىرىپ، وڭتۇستىك اۆياتسيا سەرىكتەستىگى بيىل 3 – ايدان باستاپ گۋاڭجوۋ، بەيجيڭ، ءۇرىمجى قالالارىنان ستامبولعا توتە قاتىنايتىن كەزەكشى ۇشاقتاردىڭ سانىن ارتتىراتىن بولعان، الدا اپتاسىنا قاتىنايتىن كەزەكشى ۇشاقتاردىڭ سانى 17 گە جەتۋى مۇمكىن، بۇل جۇڭگو مەن تۇركيا اراسىنداعى ”اۋەدەگى جىىبەك جولىن“ اناعۇرلىم كەڭەيتەدى.

كەلۋ قاينارى: حالىق تورابى