جۇڭگو - رەسەي ەكى ەلدىڭ مەملەكەت باسشىلارى ءوزارا جاڭا جىلدى قۇتتىقتاۋ تەلەگرامماسىن جولدادى

شينحۋا اگەنتتىگىنىڭ 12 ـ ايدىڭ 31 ـ كۇنى بەيجيڭنەن بەرگەن حابارى. 2025 ـ جىلى 12 ـ ايدىڭ 31 ـ كۇنى مەملەكەت ءتوراعاسى شي جينپيڭ مەن رەسەي زۇڭتۇڭى پۋتين ءوزارا جاڭا جىلدى قۇتتىقتاۋ تەلەگرامماسىن جولدادى.

شي جينپيڭ جۇڭگو ۇكىمەتى مەن جۇڭگو حالقى اتىنان پۋتين زۇڭتۇڭدى جانە رەسەي حالقىن شىن ىقىلاسپەن قۇتتىقتادى جانە ىزگى تىلەك ءبىلدىردى. شي جينپيڭ بىلاي دەپ اتاپ كورسەتتى: 2025 ـ جىل — بىرلەسكەن مەملەكەتتەر ۇيىمى قۇرىلعاندىعىنىڭ 80 جىلدىعى. جۇڭگو - رەسەي ەكى ەل جۇڭگو حالقىنىڭ جاپون شاپقىنشىلارىنا قارسى سوعىسى، سوۆەت وداعى ۇلى وتان قورعاۋ سوعىسى جانە دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن سالتاناتپەن ەسكە ءتۇسىرىپ، بەيبىتشىلىك، ءسوزسىز، جەڭەدى، ادىلەت، ءسوزسىز، جەڭەدى، حالىق، ءسوزسىز، جەڭەدى دەگەن ءداۋىر كۇشتى ءۇنىن تاراتتى. 2025 ـ جىلى ءارى جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق ىستەستىك سەرىكتەستىك قارىم ـ قاتىناسى نىق قادام باسقان ءبىر جىل. ءبىز بەيجيڭ مەن ماسكەۋدە 2 رەت ديدارلاسىپ، ەكى جاق ورتاق كوڭىل ءبولىپ وتىرعان كەلەلى ماسەلەلەر جونىندە ىشكەرىلەي پىكىر اۋىستىردىق. جۇڭگو - رەسەي ەكى ەلدىڭ ءوزارا ۆيزا كەشىرىم ەتۋ ساياساتى تياناقتانىپ اتقارىلدى، ەنەرگيا ارناسى قۇرىلىسى ورنىقتى قاداممەن ىلگەرىلەتىلدى، جاڭادان گۇلدەنگەن سالالارداعى سەلبەستىك كوركەيدى. ەكى ەل بىرلەسكەن مەملەكەتتەر ۇيىمى سياقتى كوپ جاقتى جۇلگەدە ءوزارا قولداۋ كورسەتىپ، الەمدىك باسقارۋدى رەفورمالاۋعا، كەمەلدەندىرۋگە اقىل ـ پاراسات جانە كۇش ـ قۋات قوستى.

شي جينپيڭ بىلاي دەپ اتاپ كورسەتتى: 2026 ـ جىل — جۇڭگو - رەسەي ستراتەگيالىق ىستەستىك سەرىكتەستىك قارىم ـ قاتىناسى ورناتىلعاندىعىنىڭ 30 جىلدىعى جانە «جۇڭگو - رەسەي تاتۋ كورشىلىك، دوستىق سەلبەستىك شارتىنا» قول قويىلعاندىعىنىڭ 25 جىلدىعى. ەكى ەل 2026 ـ جىلدان 2027 ـ جىلعا دەيىن ”جۇڭگو - رەسەي وقۋ ـ اعارتۋ جىلىن“ وتكىزەدى. مەن پۋتين زۇڭتۇڭمەن تىعىز بارىس ـ كەلىستى ۇزدىكسىز ساقتاپ، جاڭا داۋىردەگى جۇڭگو - رەسەي قارىم ـ قاتىناسىنىڭ ۇزدىكسىز تىڭ جەتىستىكتەرگە جەتۋىنە بىرگە جەتەكشىلىك ەتۋدى قالايمىن.

پۋتين زۇڭتۇڭ ءتوراعا شي جينپيڭنىڭ جاڭا جىلىن شىن جۇرەكتەن قۇتتىقتادى، جۇڭگو حالقىنىڭ باقىتتى، ساۋ ـ سالامات بولۋىن تىلەدى. پۋتين مىنالاردى ءبىلدىردى: ءوتىپ بارا جاتقان ءبىر جىلدا رەسەي مەن جۇڭگونىڭ جاڭا داۋىردەگى جالپى بەتتىك ستراتەگيالىق ىستەستىك سەرىكتەستىك قارىم ـ قاتىناسى تاماشا دامۋ جاعدايىن ساقتادى ءارى مول جەتىستىكتەرگە قول جەتكىزدى. مەن ءتوراعا شي جينپيڭمەن 2 رەت ديدارلاسىپ، گەرمانيا ناتسيستەرىنە جانە جاپونيا ميليتاريزمىنە سوققى بەرۋ جەڭىسىنىڭ 80 جىلدىعىن بىرگە ەسكە ءتۇسىرىپ، ءبىر قىدىرۋ ماڭىزدى ورتاق تانىمعا كەلدىك. رەسەي مەن جۇڭگو ەكونوميكا ـ ساۋدا سەلبەستىگىن بەلسەنە كەڭەيتىپ، كەلەلى سەلبەستىك نىساندارىن ورنىقتى قاداممەن ىلگەرىلەتتى. ەكى ەل ءوزارا ۆيزا كەشىرىم ەتۋدى جۇزەگە اسىرىپ، ەكى جاق ادامدارىنىڭ بارىس ـ كەلىسىن بارىنشا جەبەدى. كەلەر جىلى ەكى ەل ”رەسەي - جۇڭگو وقۋ ـ اعارتۋ جىلىن“ بىرگە باستايدى. مەن ءتوراعا شي جينپيڭمەن ەكى جاقتى قارىم ـ قاتىناس جانە كەلەلى حالىقارالىق ماسەلەلەر جونىندە تىعىز بايلانىستى ۇزدىكسىز ساقتاۋدى قالايمىن.

سول كۇنى مەملەكەتتىك كەڭەستىڭ زۇڭليى لي چياڭ رەسەي زۇڭليى ميشۋستينمەن ءوزارا جاڭا جىلدى قۇتتىقتاۋ تەلەگرامماسىن جولدادى. لي چياڭ مىنالاردى ءبىلدىردى: ەكى ەل مەملەكەت باسشىلارىنىڭ ستراتەگيالىق جەتەكشىلىگىندە، جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق ىستەستىك سەرىكتەستىك قارىم ـ قاتىناسى ونان ارى تەرەڭدەدى، ناقتىلاندى. جۇڭگو جاق رەسەي جاقپەن بىرگە ەكى ەلدىڭ مەملەكەت باسشىلارى كەلىسكەن ماڭىزدى ورتاق تانىمدى بار كۇشپەن ويداعىداي تياناقتاندىرىپ، ەكى جاقتىڭ ناقتى سەلبەستىگىنىڭ اناعۇرلىم زور جەتىستىكتەرگە قول جەتكىزۋىن ىلگەرىلەتۋدى قالايدى. ميشۋستين مىنانى ءبىلدىردى: ەكى ەل ۇكىمەتتەرى بولاشاعى زور سەلبەستىك نىساندارىن اتقارۋعا تاماشا شارت ـ جاعداي ازىرلەدى، جاڭا ءبىر جىلدىڭ، ءسوز جوق، ەكى ەل مەملەكەت باسشىلارىنىڭ ستراتەگيالىق ورنالاستىرۋلارىن جاپپاي تياناقتاندىرۋعا تىڭ وراي اكەلەتىندىگىنە سەنەمىن.