سىرتقى ىستەر مينيسترلىگى ۆەنەسۋەلامەن اراداعى مۇنايعا قاتىستى سەلبەستىكتەر جونىندە جاۋاپ قايتاردى

1 – ايدىڭ 5 – كۇنى، سىرتقى ىستەر مينيسترلىگىنىڭ مالىمدەمەشىسى لين جيان كەزەكتى تىلشىلەردى قابىلداۋ ءماجىلىسىن باسقاردى. ءبىر ءتىلشى ا ق ش زۇڭتۇڭى ترامپتىڭ ۆەنەسۋەلاعا قاتىستى سوزدەرى جونىندە سۇراۋ سۇرادى.

بۇل جونىندە لين جيان مىنانى ءبىلدىردى: ا ق ش ۆەنەسۋەلاعا كوپە – كورنەۋ قارۋلى كۇش قولداندى، بۇل ارەكەتى حالىقارالىق زاڭ مەن حالىقارالىق قارىم – قاتىناستاردىڭ نەگىزگى ولشەمىنە اۋىر دارەجەدە قايشىلىق جاساعاندىق، ۆەنەسۋەلانىڭ يەلىك ۇقىعىنا سۇعاناقتىق جاساعاندىق، لاتىن امەريكاسى مەن كارايب رايونىنىڭ بەيبىتشىلىگى مەن حاۋىپسىزدىگىنە حاۋىپ توندىرەدى، جۇڭگو جاق بۇل ارەكەتتى جازعىرادى. ءارقايسى جاقتار ۆەنەسۋەلانىڭ دامۋ جولىن دەربەس تاڭداۋ ۇقىعىنا قۇرمەت ەتۋى، ۆەنەسۋەلانىڭ مەملەكەت جاعدايىنىڭ ورنىقتىلىعىن ساقتاۋدى، جەرگىلىكتى ورىنداعى ءتارتىپتىڭ دۇرىس ارناعا قايتا ورالۋىن ىلگەرىلەتۋى كەرەك.

سىرتقى ىستەر مينيسترلىگى: جۇڭگو مەن ۆەنەسۋەلا اراسىنداعى سەلبەستىك حالىقارالىق زاڭ مەن ەكى ەل زاڭدارىنىڭ قورعاۋىندا بولادى

ءتىلشى جۇڭگو مەن ۆەنەسۋەلانىڭ مۇناي سالاسىنداعى سەلبەستىگىنە قاتىستى ماسەلەلەر جونىندە سۇراۋ سۇرادى. وسى جونىندە لين جيان مىنانى ءبىلدىردى: جۇڭگو مەن ۆەنەسۋەلانىڭ سەلبەستىگى يەلىك ۇقىقتى ەلدەر اراسىنداعى سەلبەستىك، حالىقارالىق زاڭ مەن ەكى ەل زاڭىنىڭ قورعاۋىندا بولادى. مەيلى ۆەنەسۋەلانىڭ ساياسي جاعدايىندا قانداي وزگەرىستەر تۋىلسا دا، جۇڭگو جاقتىڭ ەكى ەل اراسىنداعى ءارقايسى سالاداعى سەلبەستىكتى ىشكەرىلەي ورىستەتۋگە دەگەن قالاۋى وزگەرمەيدى، جۇڭگو جاقتىڭ ۆەنەسۋەلاداعى زاڭدى مۇددەسى دە زاڭ بويىنشا قورعالادى.

سىرتقى ىستەر مينيسترلىگى: ا ق ش جاقتى اتالمىش ”جۇڭگو حاۋپىن“ جەكە مۇددەسىنە قول جەتكىزەتىن جەلەۋگە اينالدىرۋدى توقتاتۋعا قۋزايمىز

ءتىلشى ا ق ش زۇڭتۇڭى ترامپتىڭ گرەنلانديا ارالىنا قاتىستى ماسەلەلەردە جۇڭگوعا قاتىستى ايتقان سوزدەرى جونىندە سۇراۋ سۇرادى. وسى جونىندە لين جيان مىنانى ءبىلدىردى: ءبىز ا ق ش جاقتى اتالمىش ”جۇڭگو حاۋپىن“ ءوزىنىڭ جەكە مۇددەسىنە قول جەتكىزەتىن جەلەۋگە اينالدىرۋدى توقتاتۋعا قۋزايمىز.

كەلۋ قاينارى: حالىق تورابى