بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.01.08 15:50 كەلۋ قاينارى : حالىق تورابى
كوپەنگاگەننەن الىنعان حابار: دانيا، فرانسيا، گەرمانيا، يتاليا، پولشا، يسپانيا جانە انگليا ەلدەرى 1 – ايدىڭ 6 – كۇنى بىرلەسكەن مالىمدەمە جاريالاپ، گرەنلانديا ارالىنىڭ ونداعى حالىققا ءتان ەكەنىن، تەك دانيا مەن گرەنلانديا ارالى عانا ءوز ىسىنە ءوزى شەشىم جاساي الاتىنىن باسا دارىپتەدى.
دانيانىڭ باس ءۋازىر كەڭسەسى سول كۇنى اتالعان 7 مەملەكەت باسشىلارى بىرگە قول قويعان بىرلەسكەن مالىمدەمەنى جاريالادى. مالىمدەمەدە ءارقايسى جاقتاردىڭ «بىرلەسكەن مەملەكەتتەردىڭ ۋستاۆىنداعى» پرينسيپتەرگە تاباندى بولاتىنى، مۇندا يەلىك ۇقىق پەن تەرريتوريا تۇتاستىعىنا، شەكاراعا قول سۇعۋعا بولمايدى دەگەن پرينسيپتەردىڭ قامتىلاتىنى باياندالعان.
گرەنلانديا ارالى سولتۇستىك امەريكا قۇرلىعىنىڭ شىعىس – سولتۇستىك بولىگىنە ورنالاسقان، دۇنيە جۇزىندەگى ەڭ ۇلكەن ارال. بۇل ارال دانيانىڭ اۆتونوميالى تەرريتورياسى، جوعارى اۆتونوميالى ۇقىققا يە، مەملەكەت قورعانىسى جانە ديپلوماتيا ىستەرىن دانيا ۇكىمەتى مەڭگەرەدى. قازىر گرەنلانديا ارالىعىندا ا ق ش – نىڭ ءبىر اسكەري بازاسى بار.
ا ق ش زۇڭتۇڭى ترامپ 2025 – جىلى مىندەتكە وتىرعاننان بەرى گرەنلاندياعا قول جەتكىزەتىنىن ايتىپ تالاي رەت كۇپىنگەن ءارى قارۋلى كۇش قولدانۋدىڭ ىقتيمالدىعىن جوققا شىعارمايتىنىن ايتقان. ترامپ وسى ايدىڭ 4 – كۇنى ا ق ش - نىڭ «اتلانتيك» جۋرنالىنا تەلەفون ارقىلى بەرگەن سۇحباتىندا ۆەنەسۋەلانىڭ ا ق ش كيلىككەن ەڭ سوڭعى مەملەكەت بولىپ قالمايتىنىن ايتقان ءارى ”ءبىز گرەنلانديا ارالىن، شارتسىز، قاجەت ەتەمىز“ دەگەن.
كەلۋ قاينارى: حالىق تورابى
