شينجياڭدا ءبىر توراپتاس جالعان اقپارات جاريالاعاندىقتان، زاڭ بويىنشا ءبىر جاقتى ەتىلدى 

جۋىردا ءبىر توراپتاس: ”ونسۋ اۋدانى گۇڭچيڭتۋان قالاشىعىنداعى 300 مىڭ مۋ جەردىڭ وتكەرمەلەۋ اقىسى جوق، بۇل جەر اۋىل شارۋاشىلىعىنا پايدالانىلاتىن جەرگە جاتادى، ۇكىمەتتىڭ بەكىتكەن قۇجاتتارى تولىق، ءار مۋىنا 2000 – 4000 يۋان قوسىمشا قاراجات بەرىلەدى“ دەگەن مازمۇندا كەسكىن جارياپ، جۇرتتىڭ نازارىن اۋدارعان.

ونسۋ اۋدانى گۇڭچيڭتۋان قالاشىقتىق حالىق ۇكىمەتىنىڭ راستاۋىنشا، اتالعان ينفورماتسيانىڭ مازمۇنى جالعان. مۇنىڭ ىشىندە جەردىڭ سيپاتى، اينالىمعا سالۋ باعاسى، قوسىمشا قاراجات ولشەمى، بەكىتۋ ءتارتىبى قاتارلى مازمۇنداردىڭ بارلىعى جالعان.

توراپتاس لي X ينفورماتسيالاردىڭ شىن – جالعانىن پارىقتاماي تۇرىپ ينتەرنەت تەكشەسىنە جولداپ، جۇرتتى الجاستىرىپ، ينتەرنەتتەگى تاراتىلىم ءتارتىبىن بىلىقتىرعان. كەزەكتە، ونسۋ اۋداندىق ينتەرنەت ينفورماتسياسى كەڭسەسى قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارىمەن بىرگە زاڭ بويىنشا لي X كە سىن ايتىپ، تاربيە بەرگەن.

كەلۋ قاينارى: حالىق تورابى