شينجياڭ تاشقورعان تاجىك اۆتونوميالى اۋدانىندا 5.2 بال جەر سىلكىندى

شينحۋا اگەنتتىگىنىڭ ءتىلشىسى گۋ يۇي، ساي گودۇڭ 1 – ايدىڭ 7 – كۇنى ۇرىمجىدەن حابارلايدى. 1 – ايدىڭ 7 – كۇنى ساعات 3 تەن 17 مينۋت وتكەندە شينجياڭ قاشقار ايماعى تاشقورعان تاجىك اۆتونوميالى اۋدانىندا 5.2 بال جەر سىلكىنگەن، سىلكىنىس قاينارى 10 كيلومەتر تەرەڭدىكتە، سىلكىنىس ورتالىعى سولتۇستىك ەندىك بويىنشا 37.58 گرادۋستىق، شىعىس بويلىق بويىنشا 74.93 گرادۋستىق ورىندا. ءتىلشىنىڭ جەرگىلىكتى ۇكىمەت ورنى، ورتتەن ساقتانۋ تاراۋلارى، شۇعىل جاعدايعا توتەپ بەرۋ تاراۋلارى قاتارلىلاردان ۇعىسۋىنشا، قازىرگە دەيىن جارالانۋ، ءولىم – ءجىتىم جانە مال – مۇلىكتىڭ زيانعا ۇشىراۋى جونىندە مالىمەت الىنباعان.

جەر سىلكىنگەن سوڭ، قاشقار ايماقتىق شەكارالىق باسقارۋ بولىمشە اترەتى تاشقورعان شەكارالىق باسقارۋ ۇلكەن اترەتىنىڭ باسقارۋىنداعى رايونداعى ساقشى بولىمشەسى دەرەۋ ءبىر – بىرلەپ تەكسەرۋ جۇرگىزدى؛ قاشقار ايماقتىق ورتتەن ساقتانۋ، قۇتقارۋ – كومەكتەسۋ بولىمشە اترەتى تاشقورعان تاجىك اۆتونوميالى اۋداندىق جەر سىلكىنىسىنەن قۇتقارۋعا قاتىستى شارلاۋشى اترەتى 2 اۆتوموبيلمەن 10 ادامدى سىلكىنىس ورتالىعىنداعى جەرگە جىبەرگەن. ساعات 4 تەن 42 مينۋت وتكەندە، ورتتەن ساقتانۋ، قۇتقارۋ – كومەكتەسۋ اترەتىنىڭ قىزمەتكەرلەرى سىلكىنىس ورتالىعىنا ەڭ جاقىن دافتەر اۋىلىنا جەتىپ، سول جەردە ءبىر – بىرلەپ تەكسەرۋ جۇرگىزىپ، ءۇي قۇلاۋ، جارالانۋ، ءولىم – ءجىتىم جاعدايى بولماعانىن تۇراقتاندىرعان. قازىر جەرگىلىكتى ورىندا قاتىناس، ەلەكتر قۋاتى، حابارلاسۋ جانە جۇرتشىلىقتىڭ ءوندىرىس – تۇرمىس ءتارتىبى تۇگەلدەي قالىپتى.

كەلۋ قاينارى: حالىق تورابى