ترامپ دۇربەلەڭ ۋاقيعاسى جونىندە يرانعا تاعى دا قۇقاي كورسەتتى

شينحۋا اگەنتتىگىنىڭ 1 – ايدىڭ 8 - كۇنى ۆاشينگتوننان بەرگەن حابارى. ا ق ش زۇڭتۇڭى ترامپ 1 – ايدىڭ 8 - كۇنى يراننىڭ دۇربەلەڭ وقيعاسى جونىندە تاعى دا قۇقاي كورسەتىپ، ەگەر ادام ءولىم – ءجىتىمى بولسا، ا ق ش يرانعا ”قاتاڭ سوققى بەرەدى“ دەدى.

ترامپ سول كۇنى ءبىر راديو ستانسياسىنىڭ سۇحباتىن قابىلداعاندا بىلاي دەدى: ا ق ش يراندا تۋىلعان دۇربەلەڭ ۋاقيعاسىنا قاداعالاي نازار اۋدارىپ وتىر، ول ”ءمالىم ءبىر ادامنىڭ جاۋاپكەرشىلىگىن قۋزاستىرۋ كەرەك پە، جوق پا“ دەگەندى تۇراقتاندىرمادى، ءبىراق يران بيلەۋشىلەرى قاتىستى ادامداردىڭ قازا بولۋ ۋاقيعاسىنا تىكەلەي جاۋاپتى بولسا، ”ولار ايانىشتى بوداۋ بەرەدى“.

يران اقپارات قۇرالدارىنىڭ حابارىنا قاراعاندا، يراننىڭ كوپ جەرىندە دۇربەلەڭ تۋىلىپ، ءولىم – ءجىتىم بولعان. ترامپ 1 – ايدىڭ 2 – كۇنى يراننىڭ دۇربەلەڭ وقيعاسىنا كيلىگەتىندىگى جونىندە قۇقاي كورسەتتى. يران جاق بىلاي دەپ باسا دارىپتەدى: يران حالقى ءوز ماسەلەسىن ءوزارا تىلدەسۋ جانە ءوزارا ىقپالداستىق ارقىلى شەشەدى، ءارقانداي فورماداعى سىرتقى كيلىگۋگە استە جول بەرمەيدى، سونداي ـ اق ەگەر ا ق ش قاتەرلى ارەكەت قولدانسا، يران جاۋاپ قايتارادى.

كەلۋ قاينارى: حالىق تورابى