شينجياڭداعى مىناداي ۇلتتىق ءدارى – دارمەكتەر مەن ەمدەۋ قۇرىلىمدارىنىڭ جاساۋلى ءدارى – دارمەكتەرى نەگىزدىك ەمدەۋ قامسىزداندىرۋىنان اقى تولەۋ كولەمىنە ەنگىزىلەدى

1 – ايدىڭ 6 – كۇنى، شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەڭگەرمەسىنىڭ تورابى ۇقتىرۋ جاريالادى، 2 – ايدىڭ 1 – كۇنىنەن باستاپ، شياۋشى شىۋەي - ۋان قاتارلى 7 ءتۇرلى ۇلتتىق ءدارى – دارمەك پەن ەمدەۋ قۇرىلىمدارىنىڭ وكپەنى قۋاتتاندىراتىن الي قىزىل تابلەتكاسى قاتارلى 24 ءتۇرلى جاساۋلى ءدارى – دارمەكتەرىن اۆتونوميالى رايون مەن بيڭتۋاننىڭ ەمدەۋ قامسىزداندىرۋى، تۋىت قامسىزداندىرۋى جانە جۇمىس ۇستىندە جارالانۋ قامسىزداندىرۋى بويىنشا اقى تولەۋ كولەمىنە ەنگىزگەن.

ۇقتىرۋدا مىنالار ايقىن تۇراقتاندىرىلعان: اۆتونوميالى رايون مەن بيڭتۋان نەگىزدىك ەمدەۋ قامسىزداندىرۋى، تۋىت قامسىزداندىرۋى، جۇمىس ۇستىندە جارالانۋ قامسىزداندىرۋى ارقىلى اقى تولەۋ كولەمىنە ەنگىزگەن ۇلتتىق ءدارى – دارمەكتەر ءبىرتۇتاس ەكىنشى توپتاعى ءدارى – دارمەكتەر رەتىندە باسقارىلادى. ەمدەۋ قۇرىلىمدارىنىڭ جاساۋلى ءدارى – دارمەكتەرى تەك ءدارى – دارمەكتەردى باقىلاۋ – باسقارۋ تاراۋلارىنان سايكەستى جاساۋلى ءدارىنى بەكىتۋ قۇجاتىنىڭ نومىرىنە (نەمەسە ەستەلىككە الۋ نومىرىنە) يە بولعان بەلگىلەنگەن ەمدەۋ قۇرىلىمدارىنىڭ سول قۇرىلىم كولەمىندە پايدالاناتىن نەمەسە بەكىتۋگە ساي ءمالىم ەمدەۋ قۇرىلىمدارى اراسىندا ۇيلەستىرىپ پايدالاناتىن جاساۋلى دارىلەرىمەن شەكتەلەدى. ءدارى – دارمەكتەردى باقىلاۋ – باسقارۋ تاراۋلارى بەكىتكەن ۇيلەستىرىپ پايدالانۋ كولەمىندە پايدالانىلعان جاساۋلى ءدارى – دارمەكتەردى قاتىستى بەلگىلەمەلەر بويىنشا ەمدەۋ قامسىزداندىرۋى قورىنان اقى تولەۋ كولەمىنە ەنگىزۋگە بولادى. اۆتونوميالى رايون مەن بيڭتۋان نەگىزدىك ەمدەۋ قامسىزداندىرۋى، تۋىت قامسىزداندىرۋى جانە جۇمىس ۇستىندە جارالانۋ قامسىزداندىرۋى ارقىلى اقى تولەۋ كولەمىنە ەنگىزگەن ەمدەۋ قۇرىلىمدارىنىڭ جاساۋلى ءدارى – دارمەكتەرى ءبىرتۇتاس ەكىنشى تۇردەگى ءدارى – دارمەكتەر رەتىندە باسقارىلادى.

قامسىزداندىرۋعا قاتىناسقان شارتقا ساي كەلەتىندەر جۇمىس ۇستىندە جارالانۋ قامسىزداندىرۋى مامىلەسىنەن يگىلىكتەنگەن كەزدە، ۇلتتىق ءدارى – دارمەكتەر مەن جۇڭگوشا تۋرامالى ءدارى – دارمەكتەردىڭ، ەمدەۋ قۇرىلىمدارىنىڭ جاساۋلى ءدارى – دارمەكتەرىنىڭ اقىسىن تولەۋدە ءبىرىنشى تۇردەگى، ەكىنشى تۇردەگى دەپ بولىنبەيدى.

كەلۋ قاينارى: حالىق تورابى