قوعام حاۋىپسىزدىگى مينيسترلىگى: قۇمار ويىنى مەن الدامكوستىككە قاتىستى شەكارا اتتاعان ەرەكشە ءىرى قىلمىستىق توپتىڭ اتامانى چىن جى كامبودجادان ەلىمىزگە ايداپ اكەلىندى 

ورتالىق تەلەۆيزيا تورابىنىڭ حابارى: 1 – ايدىڭ 7 – كۇنى، كامبودجاداعى قاتىستى تاراۋلاردىڭ قولداۋ كورسەتۋى مەن سايكەسۋىندە، قوعام حاۋىپسىزدىگى مينيسترلىگى قىزمەت گرۋپپاسىن جىبەرىپ، قۇمار ويىنى مەن الدامكوستىككە قاتىستى شەكارا اتتاعان ەرەكشە ءىرى قىلمىستىق توپتىڭ اتامانى چىن جىنى (جۇڭگولىق) كامبودجانىڭ پنومپەن قالاسىنان ەلىمىزگە ايداپ اكەلدى. بۇل جۇڭگو مەن كامبودجانىڭ زاڭ اتقارۋ تاراۋلارىنىڭ سەلبەستىك بارىسىندا قول جەتكىزگەن تاعى ءبىر كەلەلى جەتىستىگى.

تەكسەرۋگە قاراعاندا، چىن جى اتاماندىعىنداعى قىلمىستىق توپ قۇمار الاڭىن اشۋ، الدامكوستىك ىستەۋ، زاڭسىز تيجارات جۇرگىزۋ، قىلمىستىق جولمەن قول جەتكىزگەن تابىستارىن جاسىرۋ قاتارلى كوپ ءتۇرلى قىلمىستارعا شاتىلعان. كەزەكتە، چىن جىعا زاڭ بويىنشا ماجبۇرلەۋ شاراسى اتقارىلدى، قاتىستى دەلو ىشكەرىلەي تەكسەرىلۋدە.

قوعام حاۋىپسىزدىگى مينيسترلىگىنىڭ قاتىستى جاۋاپتىسىنىڭ ايتۋىنشا، قوعام حاۋىپسىزدىگى ورگاندارى جۋىردا چىن جى اتاماندىعىنداعى قىلمىستىق توپتىڭ تىرەكتى مۇشەلەرىن اشىق قۋعىنداپ، قاشىپ جۇرگەندەردى، ءسوزسىز، تۇتقىندايدى. قوعام حاۋىپسىزدىگى ورگاندارى قىلمىستىق ەلەمەنتتەرگە جاعدايدى جەتە تانىپ، تىزگىنىن تارتىپ، دەرەۋ قىلمىسىن مويىنداپ، كەڭشىلىككە يە بولۋدى قاتاڭ ەسكەرتەدى.

كەلۋ قاينارى: حالىق تورابى