قوسىمشا قاراجات ولشەمى قانشا؟ قالاي ءوتىنىش ەتۋگە بولادى؟ شينجياڭنىڭ قارتتاردى كۇتىمدەۋگە قىزمەت وتەۋ تۇتىنۋ قوسىمشا قاراجاتى جونىندە كەڭەس سۇراۋ ىستىق لەنياسى جاريالاندى

1 - ايدىڭ 8 – كۇنى، شينجياڭداعى ورتا دارەجەدەن جوعارى قابىلەتىنەن ايىرىلعان قارتتاردى كۇتىمدەۋگە قىزمەت وتەۋ تۇتىنۋ قوسىمشا قاراجاتىن تاراتۋعا قاتىستى قىزمەتتەردى دايەكتىلەندىرىپ، تياناقتاندىرىپ، قالىڭ قالا تۇرعىندارى بۇقاراسىنىڭ قوسىمشا قاراجات تاراتۋ ءتاسىلى، قوسىمشا قاراجات ولشەمى، ءوتىنىش ەتۋ ءتارتىبى قاتارلىلاردى ۇعىسۋىنا قولايلىلىق جاساۋ ءۇشىن، شينجياڭ حالىق ىستەرى مەڭگەرمەسىنىڭ تورابى قارتتاردى كۇتىمدەۋگە قىزمەت وتەۋ، تۇتىنۋ قوسىمشا قاراجاتى جونىندە اقىل - كەڭەس سۇراۋ ىستىق لەنياسىن جاريالادى.

مۇنىڭ ىشىندە، شينجياڭ ۇيعۇر اۆتونوميالى رايوندىق حالىق ىستەرى مەڭگەرمەسىنىڭ بۇقاراعا اقىل – كەڭەس بەرۋ جانە باقىلاۋ ىستىق لەنياسى 0991 − 2805767، قارتتاردى كۇتىمدەۋگە قىزمەت وتەۋ، تۇتىنۋ قوسىمشا قاراجاتى قىزمەت وتەۋ ىستىق لەنياسى 96580. ءارقايسى (ايماق، وبلىس) قالالىق حالىق ىستەرى مەكەمەسىنىڭ ىستىق لەنياسى تومەندەگىدەي:

2026 ـ جىلى 1 ـ ايدىڭ 1 ـ كۇنى، شينجياڭ تۇڭعىش رەت ورتا دارەجەدەن جوعارى قابىلەتىنەن ايىرىلعان قارتتارعا قارتتاردى كۇتىمدەۋگە قىزمەت وتەۋ تۇتىنۋ قوسىمشا قاراجاتىن تاراتۋ نىسانىن باستادى، شارتقا ۇيلەسەتىن ورتا دارەجەدەن جوعارى قابىلەتىنەن ايىرىلعان قارتتارعا ەلەكتروندىق تۇتىنۋ بەلەتىن تاراتادى. ادام باس سايىن ايىنا ەڭ جوعارى بولعاندا 800 يۋان دولايلاستىرۋىنا بولادى، العاشقى اتقارۋ مەرزىمى ءبىر جىل.

وسى رەتكى قوسىمشا قاراجات بەرۋ وبيەكتىسى، باستىسى، 60 جاستاعى نەمەسە ونان اسقان قاراتتار، نوپوس شەكتەمەسىنە ۇشىرامايدى، شينجياڭدا قونىستانسا، ونىڭ ۇستىنە ورتا دارەجەلى جانە ودان جوعارى قابىلەتىنەن ايىرىلۋ دارەجەسى بويىنشا باعالانسا بولعانى، تۇگەلدەي ءوتىنىش بەرۋىنە بولادى.

قوسىمشا قاراجات بەرۋ تۇرلەرى اس – سۋعا كومەكتەسۋ، جۋىنۋعا كومەكتەسۋ، تازالىققا كومەكتەسۋ، ارەكەتىنە كومەكتەسۋ، شۇعىل جاعدايدا كومەكتەسۋ، ەمدەۋگە كومەكتەسۋ، ساۋىقتىرۋ – كۇتىمدەۋگە كومەكتەسۋ، كۇندىز قاراسۋ قاتارلى ۇيدە وتىرىپ الەۋمەتتىك اۋماقتىڭ قىزمەت وتەۋىنەن يگىلىكتەنۋ، سونداي - اق قۇرىلىمداردىڭ ۇزاق ۋاقىت بىرگە جاتىپ قىزمەت وتەۋى جانە قىسقا مەرزىمدى ”ۋاقىتتىق قىزمەت وتەۋى“ (30 كۇن ىشىندە) قاتارلى 14 ءتۇردى قامتيدى.

كەلۋ قاينارى: حالىق تورابى