ءجۇز يۋاندىق قۋاتتىق ءونىمدى قوراپتاپ، ”حيكىمەت ءدارى“ دەپ 16 مىڭ يۋانعا ساتقان 

جۋىردا جياڭسۋ ولكەسى ياڭجوۋ قالاسىنداعى 80 جاستان اسقان قارت ما حانىم ينتەرنەتتەگى اتالمىش ”ۇستازداردىڭ“ عىلىمدى جالپىلاستىرۋ دەگەن جەلەۋدى جامىلعان جالعان ۇگىتتەرىنە سەنىپ، ناۋقاسىن ەمدەۋ ءۇشىن 16 مىڭ يۋانعا ”ەرەكشە سورتتى ءدارى – دارمەك“ ساتىپ العان، بۇل ءدارى – دارمەكتى پايدالانعان سوڭ ەشقانداي ءونىمى بولماعانىن بايقاعان. ما حانىم دەرەۋ ءدارىنى قايتارماقشى بولعان كەزدە، قارسى جاق تەلەفوندى مۇلدە قابىلداماعان. الدانىپ قالعانىن سەزگەن سوڭ، ما حانىم دەرەۋ ساقشىعا مالىمدەگەن. ساقشى جاق تەكسەرۋ ارقىلى اتالمىش ”جوعارى سورتتى ءدارىنىڭ“ جاي عانا قۋاتتىق ءونىم ەكەنىن، قورابىنا ءدارىنىڭ رولى تەك ”كوكباۋىردى قۋاتتاندىرادى، وكپەگە پايدالى“ دەگەن سياقتى كۇڭگىرت سوزدەرمەن جازىلعانىن ءارى ەمدەۋ ونىمدىلىگى جونىندە ەشقانداي تۇسىنىك بەرىلمەگەنىن بايقايدى. حالىق ساقشىلارىنىڭ تەكسەرىپ تۇراقتاندىرۋىنشا، بۇل قۋاتتىق ءونىمنىڭ بازارداعى ساتىلىم باعاسى ءار قورابى تەك 100 نەشە يۋان عانا ەكەن، بۇل ”سۇن ۇستازدىڭ“ ساتقان باعاسىمەن ءجۇز ەسە پارىقتى بولىپ شىققان. ساتۋشىنىڭ سايكەسۋىندە حالىق ساقشىلارى اتالمىش ”سۇن ۇستازبەن“ بايلانىس جاساعان، ماسەلەنىڭ اۋىر ەكەنىن تانىپ جەتكەن سوڭ، قارسى جاق ەڭ سوڭىندا ما حانىمنىڭ اقشاسىن قايتارىپ بەرگەن.

كەلۋ قاينارى: حالىق تورابى