داليان كەدەنى قۇرامىندا ءمولدىر ەسىرتكى بار ”ۇشتەن جۇرداي“ ارىقتاتۋ ونىمىنەن 2400 تالىن انىقتاپ قولعا تۇسىرگەن 

ءتىلشىنىڭ 1 – ايدىڭ 13 – كۇنى داليان كەدەنىنەن ۇعىسۋىنشا، داليان كەدەنىنە قاراستى دادۇڭ كەمەجايى كەدەنى جۋىردا شەكارادان كىرەتىن جولاۋشىلاردى تەكسەرۋ جولىندا قۇرامىندا ءمولدىر ەسىرتكى بار ”ۇشتەن جۇرداي“ ارىقتاتۋ دارىلەرىنەن 2400 تالدان استامىن انىقتاپ قولعا تۇسىرگەن.

سۋرەتتە: دادۇڭ كەمەجايى كەدەنى قولعا تۇسىرگەن قۇرامىندا ءمولدىر ەسىرتكى بار ”ۇشتەن جۇرداي“ ارىقتاتۋ ونىمدەرى. (دادۇڭ كەمەجايى كەدەنى بەرگەن سۋرەت)

تانىستىرۋعا قاراعاندا، كەدەن قىزمەتكەرلەرى شەكارادان كىرگەن جولاۋشىلارعا باقىلاۋ – باسقارۋ جۇرگىزگەن كەزدە، ءبىر جولاۋشىنىڭ جۇكتەرىن ماشينامەن تەكسەرگەندە سۋرەتىندە قالىپسىزدىق بايقالعان. ساندىقتى اشىپ تەكسەرگەن كەزدە، كەدەن قىزمەتكەرلەرى ساندىقتىڭ ىشىنەن ءمولدىر سۋلياۋ قالتالارعا ساڭلاۋسىز بەكىتىلگەن، ۇلكەن – كىشىلىگى ۇقسامايتىن ءدارى تابلەتكالارىن بايقاعان، بۇل توپتاعى دارىلەردىڭ وندىرىلگەن ۋاقىتى جازىلماعان، ساپاسىنىڭ تولىمدىلىعى تۋرالى ىسپات بەرىلمەگەن، وندىرگەن زاۆود تۋرالى ينفورماتسيا جازىلماعان، جيىنى 240 قالتاعا 2400 تال ءدار سالىنعان. سول جەردە جەدەل تەكسەرۋ بارىسىندا، اتالعان دارىلەردىڭ قۇرامىنداعى مەتيل امفەتاميندى تەكسەرۋ ناتيجەسى بولىمدى بولعان. قازىر اتالعان دەلو كەدەندە اتكەزشىلەردى ۇستاۋ تاراۋلارىنىڭ ءبىر جاقتى ەتۋىنە جوتكەپ بەرىلگەن.

كەدەن مەكەمەسى مىنانى ەسكەرتەدى: مەتيل امفەتامين — ءمولدىر ەسىرتكىنىڭ ماڭىزدى قۇرامى، ءبىرىنشى توپتاعى نەرۆتىك دارىلەردىڭ قاتارىنا ەنگىزىلگەن، قۇمار قىلۋ رولى ءبىرشاما كۇشتى. قاتىستى زاڭ – ەرەجەلەرگە ساي، ەلىمىز جانسىزداندىرعىش دارىلەر مەن نەرۆتىك دارىلەردى شەكارادان كىرگىزۋ مەن شىعارۋعا رۇقساتناما ارقىلى باسقارۋ ءتۇزىمىن قولدانادى، جانسىزداندىرعىش دارىلەردى، سونداي – اق، مەملەكەت بەلگىلەگەن كولەمدەگى نەرۆتىك دارىلەردى شەكارادان كىرگىزگەندە نەمەسە شىعارعاندا مەملەكەتتىك كەڭەستىڭ ءدارى – دارمەكتەردى باقىلاۋ – باسقارۋ تاراۋلارى تاراتقان شەكارادان كىرگىزۋگە رۇقسات بەرۋ كۋالىگىن، شەكارادان شىعارۋعا رۇقسات بەرۋ كۋالىگىن ءبىتىرۋ كەرەك. (ءتىلشى گو شياڭ، جاڭ بوچۇن)

كەلۋ قاينارى: حالىق تورابى