ەرلى - زايىپتىلار 100 ميلليون يۋان جىلۋ اتادى

1 – ايدىڭ 10 –كۇنى، شي – ان قاتىناس داشۋەسىنىڭ ”قاتىناس داشۋەسىنىڭ 130 جىلدىعى . ماحابباتتى سەرىك ەتكەن ساپار“ اتتى جىلۋ اتاۋ سالتى شيڭچيڭ مەكتەپ رايونىندا وتكىزىلدى. وسى سالتتا، شي – ان قاتىناس داشۋەسىنەن وقۋ تاۋىسقان ەرلى – زايىپتىلار انا مەكتەبىنە دەگەن تەرەڭ ماحابباتپەن 100 ميلليون يۋاندى اتى – ءجونىن جاسىرىپ جومارتتىقپەن جىلۋعا اتادى.

سونىمەن بىرگە، شار – تاراپتان كەلگەن مەكتەپ تۇلەكتەرى، سەلبەسكەن كاسىپورىندار مەن مەكتەپتەگى وقىتۋشىلار، جۇمىسشى - قىزمەتكەرلەر دە جىلۋ اتاپ، قاتىناس داشۋەسىنىڭ دامۋىنا ءوز ۇلەستەرىن قوستى.

ماجىلىستە، جىلۋ اتاۋشىلاردىڭ ۋاكىلى مىنانى ءبىلدىردى: شي – ان قاتىناس داشۋەسىنىڭ سەلبەستىك سەرىكتەستەرىنىڭ، تۇلەكتەرىنىڭ جانە وقىتۋشىلارىنىڭ ۋاكىلدەرى رەتىندە، شي – ان قاتىناس داشۋەسىنىڭ دارىندىلاردى تاربيەلەۋ، عىلىمي زەرتتەۋدە جاڭالىق اشۋ جانە مەملەكەت ستراتەگياسىنا قىزمەت وتەۋ جاقتارىندا قول جەتكىزگەن جەتىستىكتەرىنە وسكەلەڭ قۇرمەت بىلدىرەمىز، وسى رەتكى جىلۋ اتاۋدى باستاما ەتە وتىرىپ، مەكتەپپەن جان – جاقتى سەلبەستىكتى ىشكەرىلەي ورىستەتىپ، ءوندىرىستى، وقىتۋدى، زەرتتەۋدى تەرەڭ توعىستىرۋ مەن جەتىستىكتەردى وندىرگىش كۇشكە اينالدىرۋدى بىرگە ىلگەرىلەتىپ، مەكتەپتى جۇڭگوشا ەرەكشەلىككە يە، دۇنيە جۇزىندە ماڭداي الدى مەكتەپ ەتىپ قۇرىپ شىعۋعا اناعۇرلىم زور كۇش قوسۋدى قالايمىز.

كەلۋ قاينارى: حالىق تورابى