شينجياڭدا كۇشتى سۋىق اعىس بولادى! كەي جەرلەردە ەرەكشە قالىڭ قار جاۋادى

ٴتىلشىنىڭ شينجياڭ ۇيعۇر اۆتونوميالى رايوندىق اۋا رايى ستانسياسىنان ۇعىسۋىنشا، 1 - ايدىڭ 15 - كۇنى كۇندىزدەن 18 - كۇنى كۇندىزگە دەيىن سولتۇستىك شينجياڭنىڭ باسىم كوپ ٴبولىم جەرىندە، شىعىس شينجياڭدا قاتتى سۋىق اعىس بولادى، سۋىق اعىس ٴجۇرىپ، ەرەكشە قالىڭ قار جاۋىپ، بوران سوعۋمەن بىرگە، تەمپەراتۋرا جالپى 10 دا 16 سەلتسي گرادۋس تومەندەيدى، التايدىڭ تاۋلى رايوندارىندا ەڭ تومەنگى تەمپەراتۋرا نولدەن تومەن 47 سەلتسي گرادۋسقا تۇسەدى.

وسى رەتكى اۋا رايى وزگەرىسى بارىسىندا تەمپەراتۋرا تومەندەپ، قار جاۋىپ، بوران سوعادى. 1 - ايدىڭ 15 - كۇنى كۇندىزدەن 18 - كۇنى كۇندىزگە دەيىن سولتۇستىك شينجياڭنىڭ كوپ بولەگىندە، قۇمىل قالاسىنىڭ سولتۇستىگىندە سۋىق اعىس بولىپ، ەڭ تومەنگى اۋا تەمپەراتۋراسى 10 دا 12 سەلتسي گرادۋس تومەندەيدى؛ التاي ايماعىنىڭ ٴىشىنارا جەرلەرىندە تەمپەراتۋرا 12 دە 16 سەلتسي گرادۋس تومەندەپ، كۇشتى نەمەسە ەرەكشە كۇشتى سۋىق اعىس ولشەمىنە جەتەدى. 1 - ايدىڭ 17 - كۇنىنەن 18 - كۇنىنە دەيىن تەمپەراتۋرانىڭ تومەندەۋى ەڭ جوعارى شەككە جەتەدى. سولتۇستىك شينجياڭداعى جازىق رايوندار مەن قۇمىل قالاسىندا ەڭ تومەنگى تەمپەراتۋرا نولدەن تومەن 28 دە نولدەن تومەن 16 سەلتسي گرادۋسقا تۇسەدى، تاۋلى رايونداردا نولدەن تومەن 35 تە نولدەن تومەن 30 سەلتسي گرادۋسقا تۇسەدى، التاي ايماعىنىڭ جازىق رايوندارىندا نولدەن تومەن 35 تە نولدەن تومەن 30 سەلتسي گرادۋسقا تۇسەدى، تاۋلى رايونداردا ەرەكشە اياز ءجۇرىپ، تەمپەراتۋرا نولدەن تومەن 47 دە نولدەن تومەن 35 سەلتسي گرادۋسقا تۇسەدى.

قاردىڭ جاۋۋى 1 - ايدىڭ 15 - كۇنى كۇندىزدەن 17 - كۇنى كۇندىزگە دەيىن بولادى، سولتۇستىك شينجياڭنىڭ باتىس بولەگى، تارباعاتاي ايماعى، ٴۇرىمجى قالاسى قاتارلى كوپ جەرلەردە قىرباق قار جاۋادى، ىلە اڭعارى، تارباعاتايدىڭ وڭتۇستىك بولەگى قاتارلى جەرلەردىڭ ٴىشىنارا وڭىرلەردە ورتاشادان باستاپ قالىڭ قار جاۋادى، نىلقى، كۇنەس اۋداندارىنىڭ ٴىشىنارا جەرلەرىندە ەرەكشە قالىڭ قار جاۋادى، جالپى قار مولشەرى 12 دە 20 ميلليمەتر بولادى. جاڭادان جاۋعان قاردىڭ قالىڭدىعى 15 دە 25 سانتيمەترگە جەتەدى.

1 - ايدىڭ 16 - كۇنىنەن 18 - كۇنىنە دەيىن، سولتۇستىك شينجياڭ، شىعىس شينجياڭ جانە وڭتۇستىك شينجياڭنىڭ ٴىشىنارا وڭىرلەرىندە باتىس سولتۇستىكتەن 6 بال بوران سوعادى، جەل وتىندە 8 دە 9 بال بوران سوعادى، 100 شاقىرىمدىق جەلدى ٴوڭىردىڭ مەزەتتىك وتكىنشى جەل كۇشى 11 بالعا جەتەدى، سولتۇستىك شينجياڭنىڭ ٴىشىنارا وڭىرلەرىندە قارلى بوران سوعادى، وڭتۇستىك شينجياڭداعى تارىم ويپاتىنىڭ ورتا، شىعىس بولەگىندە قيىس شىعىستان 5 تە 6 بال بوران سوعادى، ٴىشىنارا جەرلەردە قۇمدى بوران سوعادى.

كەلۋ قاينارى: حالىق تورابى