ەلىمىزدىڭ كامبودجادا تۇراتىن ەلشىحاناسى كامبودجانى جۇڭگو ازاماتتارىن قورعاۋ تەبىنىن ارتتىرۋعا قۋزادى

شينحۋا اگەنتتىگىنىڭ 1 – ايدىڭ 17 - كۇنى پنومپەننەن بەرگەن حابارى: جۇڭگونىڭ كامبودجادا تۇراتىن باس ەلشىحاناسى 1 – ايدىڭ 17 - كۇنى حابار جاريالاپ بىلاي دەدى: تاياۋدا جۇڭگونىڭ كامبودجادا تۇراتىن باس ەلشىسى ۋاڭ ۋىنبين جەكە ـ جەكە كامبودجانىڭ ورىنباسار باۋس ءۋازىرى قوسىمشا ىشكى ىستەر ءۋازىرى شاۋسوكا، ورىنباسار باس ءۋازىرى قوسىمشا سىرتقى ىستەر ءۋازىرى بۋراسوكۇنمەن كەزدەسىپ، كامبودجا جاقتى جۇڭگو ازاماتتارىن قورعاۋ تەبىنىن ارتتىرۋعا قۋزادى.

ۋاڭ ۋىنبين بىلاي دەدى: تاياۋدا جۇڭگو ازاماتتارىنىڭ كامبودجادا ءىز- توزسىز كەتۋى قاتارلى دەلولار تۋىلدى، جۇڭگو جاق بۇعان ايرىقشا نازار اۋداردى. كامبودجادا جۇڭگو ازاماتتارىنا ساياتىن دەلولاردىڭ كوبى توراپ الدامشىلىعىمەن تىعىز قاتىستى، دەلولاردىڭ ءجيى تۋىلۋى — جۇڭگو مەن كامبودجانىڭ ءداستۇرلى دوستىعىنا، جۇڭگو مەن كامبودجانىڭ ءوزارا ءتيىمدى سەلبەستىكتى تەرەڭدەتۋىنە اۋىر كەدەرگى بولدى. جۇڭگو جاق كامبودجاداعى جۇڭگو ازاماتتارىنىڭ حاۋىپسىزدىگى مەن زاڭدى ۇقىق - مۇددەسىن قورعاۋعا باسا ءمان بەرىپ، كامبودجانى ناقتى شارالار قولدانىپ، جۇڭگو ازاماتتارىنا باعىتتالعان زاڭسىز قاماۋ، زورلىقتى كۇشپەن زاقىمداۋ قاتارلى قىلمىستىق ارەكەتتەرگە جانە توراپ الدامكوستىگى ارەكەتتەرىنە قاتاڭ سوققى بەرىپ، قۇتقارۋ ونىمدىلىگىن جوعارىلاتىپ، كامبودجاداعى جۇڭگو ازاماتتارىنىڭ حاۋىپسىزدىگىنە كەپىلدىك ەتۋگە قۋزايدى.

كامبودجا جاق كامبودجا ۇكىمەتىنىڭ قاتاڭ سوققى بەرىپ، توراپ الدامكوستىگى مەن جۇڭگو ازاماتتارىنا باعىتتالعان قىلمىستىق ارەكەتتەرگە سوققى بەرىپ، كامبودجاداعى جۇڭگو ازاماتتارىنىڭ حاۋىپسىزدىگىن شىنايى قورعايتىندىعىن ءبىلدىردى.

كەلۋ قاينارى: حالىق تورابى