نولدەن تومەن 47.4 سەلتسي گرادۋس! شينجياڭنىڭ بيىل قىس ماۋسىمىنداعى ەڭ تومەنگى تەمپەراتۋرا رەكوردىن جاڭالادى

شينحۋا اگەنتتىگىنىڭ 1 ـ ايدىڭ 18 ـ كۇنى ۇرىمجىدەن بەرگەن حابارى. 1 ـ ايدىڭ 12 ـ كۇنىنەن 18 ـ كۇنىنە دەيىن، شينجياڭنىڭ التاي ايماعىندا بيىل قىستان بەرگى ەڭ كۇشتى سۋىق اعىس پايدا بولىپ، اۋا تەمپەراتۋراسى كۇرت تومەندەدى. 1 – ايدىڭ 18 - كۇنى التاي ايماعى كوكتوعاي اۋدانى تۇرعىن اۋىلدىعىنىڭ تەمپەراتۋراسى نولدەن تومەن 47.4 سەلتسي گرادۋسقا ءتۇسىپ، شينجياڭنىڭ بيىل قىس ماۋسىمىنداعى ەڭ تومەنگى تەمپەراتۋرا رەكوردىن جاڭالادى.

ءتىلشىنىڭ شينجياڭ اۋا رايى ستانسياسىنان ۇعىسۋىنا قاراعاندا، 1 – ايدىڭ 18 – كۇنى ساعات 11 دە التاي ايماعىنىڭ وزەن اڭعارلارىنىڭ، جازىقتارىنىڭ جانە تاۋ بوكتەرى ءوڭىرىنىڭ ەڭ تومەنگى تەمپەراتۋراسى نولدەن تومەن 42 سەلتسي گرادۋستان نولدەن تومەن 26 سەلتسي گرادۋسقا دەيىن تومەندەگەن، تاۋلى رايونداردا نولدەن تومەن 43 سەلتسي گرادۋستان نولدەن تومەن 28 سەلتسي گرادۋسقا دەيىن تومەندەگەن، ەڭ تومەنگى اۋا تەمپەراتۋراسى الدىڭعى 3 ورىندا تۇراتىن پۋنكت ورنى: كوكتوعاي اۋدانى تۇرعىن اۋىلى نولدەن تومەن 47.4 سەلتسي گرادۋس، التاي قالاسىنداعى شىبەلەڭ سۋ قويماسىنىڭ تەمپەراتۋراسى نولدەن تومەن 47 سەلتسي گرادۋس، التاي قالاسىنداعى 181 اسپا كوپىرىنىڭ تەمپەراتۋراسى نولدەن تومەن 45.6 سەلتسي گرادۋس.

”نولدەن تومەن 47.4 سەلتسي گرادۋستىق تەمپەراتۋرا تۇرعىن اۋىلدىعىنىڭ كۇندىك ەڭ تومەنگى اۋا تەمپەراتۋراسىنىڭ تاريحتاعى ەڭ جوعارى ءمانى ەمەس.“ التاي ايماقتىق اۋا رايى ستانسياسىنىڭ باستىعى بورنان بىلاي دەدى: تۇرعىن اۋىلىندا 2009 - جىلى اۋا رايىن باقىلاۋ پۋنكتى قۇرىلعاننان بەرگى الدىڭعى 4 ورىندى يەلەگەن ەڭ تومەنگى تەمپەراتۋرا جەكە - جەكە 2024 – جىلى 1 – ايدىڭ 18 - كۇنى كۇنى نولدەن تومەن 52.3 سەلتسي گرادۋس بولعان، بۇل تەمپەراتۋرا شينجياڭدا ەستەلىككە الىنعاننان بەرگى ەڭ تومەنگى تەمپەراتۋرا ءمانىن بۇزدى، بۇدان سىرت 2012 - جىلى 12 - ايدىڭ 21 - كۇنى نولدەن تومەن 49.1 سەلتسي گرادۋس، 2022 - جىلى 11 - ايدىڭ 28 - كۇنى نولدەن تومەن 48.6 سەلتسي گرادۋس، 2012 - جىلى 12 - ايدىڭ 22 - كۇنى نولدەن تومەن 47.6 سەلتسي گرادۋس بولعان.

1 – ايدىڭ 12 – كۇنى تۇننەن باستاپ التاي ايماعىندا بيىل قىس ماۋسىمىنان بەرگى ەڭ كۇشتى سۋىق اعىس بولدى، جەر – جەردە ارت – ارتىنان قار جاۋۋ، بوران سوعۋ ، تەمپەراتۋرا تومەندەۋ بارىسى جارىققا شىقتى، ەڭ تومەنگى تەمپەراتۋرا 1 - ايدىڭ 17 - كۇنى تاڭەرتەڭ جانە 18 - كۇنى تاڭەرتەڭ بولىپ، ەڭ كوپ بولعاندا تەمپەراتۋرا 20 دا 30 سەلتسي گرادۋس تومەندەدى. التاي ايماقتىق اۋا رايى ستانسياسىنىڭ 1 – ايدىڭ 18 - كۇنگى ساندى مالىمەتىنە قاراعاندا، شىڭگىل اۋدانىندا نولدەن تومەن 41.3 سەلتسي گرادۋس، بۋىرشىن اۋدانىندا نولدەن تومەن 37.9 سەلتسي گرادۋس، بۋرىلتوعاي اۋدانىندا نولدەن تومەن نولدەن تومەن 35.9 سەلتسي گرادۋس، التاي قالاسىندا نولدەن تومەن 35.4 سەلتسي گرادۋس، كوكتوعاي اۋدانىنىڭ كوكتوعاي كورىنىس رايونىندا نولدەن تومەن 42.6 سەلتسي گرادۋس، بۋىرشىن اۋدانىنىڭ قوم اۋىلىندا نولدەن تومەن 41.5 سەلتسي گرادۋس، بۋىرشىن اۋدانىنىڭ قاناس كورىنىس رايونىندا نولدەن تومەن 35.4 سەلتسي گرادۋسقا ءتۇستى.

وسى رەتكى سۋىق اعىستى كوزدە ۇستاي وتىرىپ، التاي ايماعىنىڭ اۋا رايى، قاتىناس، ەگىن - مال شارۋاشىلىعى، مادەنيەت - ساياحات قاتارلى تاراۋلارى شۇعىل جاعدايعا توتەپ بەرۋ ۇندەۋىن دەرەۋ ىسكە قوسىپ، بۇقارانىڭ ءوندىرىس - تۇرمىس ءتارتىبىن بار كۇشپەن قورعادى.

كەلۋ قاينارى: حالىق تورابى