باجى ىستەرى تاراۋلارى باجى تاپسىرۋشىلارعا ءوزىنىڭ جۋىرداعى ءۇش جىلدان بەرى شەكارا سىرتىندا تاپقان تابىسىن تەكسەرىپ شىعۋدى ەسكەرتكەن 

ءتىلشىنىڭ 1 – ايدىڭ 16 – كۇنى مەملەكەتتىك باجى ىستەرى باس مەڭگەرمەسىنىڭ قاتىستى تاراۋلارىنان ۇعىسۋىنشا، باجى ىستەرى ورگاندارى تۇرعىندارعا شەكارا سىرتىنداعى تابىسىنان باجى تاپسىرۋدى ۇگىتتەۋدى جانە وعان جەتەكشىلىك ەتۋدى ۇزدىكسىز كۇشەيتكەن، بىلتىردان بەرى، باجى تاپسىرۋشىلارعا ءوزىنىڭ 2022 – جىلدان 2024 – جىل ارالىعىندا شەكارا سىرتىندا قول جەتكىزگەن تابىسىن تەكسەرىپ شىعۋدى ەسكەرتكەن.

باجى جيناۋدى باسقارۋ زاڭى قاتارلى زاڭ – ەرەجەلەردەگى بەلگىلەمەلەرگە ساي، باجى تاپسىرۋشىلاردىڭ باجى تاپسىرۋعا ءوتىنىش بەرمەۋى نەمەسە قاتە ەسەپتەۋى سەبەبىنەن باجى تاپسىرماۋى نەمەسە باجىنى از تاپسىرۋى بايقالسا، باجى ىستەرى تاراۋلارىنىڭ ءۇش جىل ىشىندە باجى سوماسى مەن ايىپ سومانى تولىقتاپ الۋىنا بولادى؛ باجى جاسىرۋ قىلمىسىن قالىپتاستىرسا، زاڭ بويىنشا ءبىر جاقتى ەتىلەدى.

تۇرعىنداردىڭ شەكارا ءىشى - سىرتىندا قول جەتكىزگەن تابىسىنا زاڭ بويىنشا جەكەلىك تابىس باجىسىن تاپسىرۋى حالىقارادا ءبىر تۇتاس قولدانىلاتىن شارا، بۇل شەكارا اتتاپ باجىدان جالتارۋ نەمەسە باجى جاسىرۋ ارەكەتىنەن ساقتانۋعا، مەملەكەتتىڭ باجى كىرىسى جاعىنداعى ۇقىق – مۇددەسىن قورعاۋعا ءتيىمدى. باجى ىستەرى تاراۋلارى مىنانى ەسكەرتەدى: زاڭ بويىنشا باجى تاپسىرۋ — ءاربىر ازاماتتىڭ وتەۋگە ءتيىستى بورىشى، باجى تاپسىرۋشىلار وسىنىڭ الدىندا شەكارا سىرتىنداعى تابىسىنان بەلگىلەمە بويىنشا باجى تاپسىرىلماي قالعانىن بايقاسا، زاڭ بويىنشا دەر كەزىندە تولىقتاپ تاپسىرۋى كەرەك.

كەلۋ قاينارى: حالىق تورابى