جاڭا بەلگىلەمە جاريالاندى! 13 ءتۇرلى ازىق – تۇلىكتى تىكە تاراتىلىمدا ساتۋعا تيىم سالىنادى 

ءتىلشىنىڭ 1 – ايدىڭ 16 – كۇنى بازاردى باقىلاۋ – باسقارۋ باس مەڭگەرمەسىنەن ۇعىسۋىنشا، «تىكە تاراتىلىمنان پايدالاناتىن ەلەكتروندىق ساۋدا تيجاراتشىلارىنىڭ ازىق – تۇلىك حاۋىپسىزدىگىنە قاتىستى نەگىزگى تۇلعالىق جاۋاپكەرشىلىگىن باقىلاۋ – باسقارۋ جونىندەگى بەلگىلەمە» رەسمي جاريالاندى، بيىل 3 – ايدىڭ 20 – كۇنىنەن باستاپ رەسمي اتقارىلادى.

باقىلاۋ – باسقارۋ امالياتى بارىسىندا ەڭ كورنەكتى بولعان، تۇتىنۋشىلاردىڭ اڭىسى ەڭ كۇشتى بولعان ءۇش ءىرى ماسەلە: بىرىنشىدەن، جالعان – جارامسىز ونىمدەر، ۋاقىتى ءوتىپ بۇزىلعان ونىمدەر قاتارلى ماسەلەسى بار ازىق تۇلىكتەردىڭ تىكە تاراتىلىمعا ەنۋى؛ ەكىنشىدەن، جالعان ۇگىتتەۋ، رولىن اسىرا ماقتاۋ، مىسالى، جاي ازىق – تۇلىكتەردى قۋاتتىق ازىق – تۇلىكتەردىڭ ورنىندا ساتۋ، اۋرۋدى ەمدەيتىن رولى بار دەپ ەمەكسىتۋ؛ ۇشىنشىدەن، ازىق – تۇلىكتىڭ ءتۇرىن شاتاستىرۋ، ينفورماتسيا شىنايى بولماۋ، تۇتىنۋشىلاردى الجاستىرۋ. «بەلگىلەمەدە» تيىم سالۋعا ساياتىن ەكى ءتۇرلى وزەكتى تالاپ ورتاعا قويىلعان:

تىكە تاراتىلىمدا ساتۋعا تيىم سالىناتىن 13 ءتۇرلى ازىق – تۇلىك ايقىن تۇراقتاندىرىلىپ، جۇرتشىلىقتىڭ دەنساۋلىعىنىڭ اقاۋسىزدىعى مەن ءومىرىنىڭ حاۋىپسىزدىگىنە شىنايى كەپىلدىك ەتەدى. بۇل ازىق – تۇلىكتەر مىنالاردى قامتيدى: ازىق – تۇلىك شيكىزاتىنا جاتپايتىن زاتتاردان وندىرىلگەن، ۋلى جانە زياندى زاتتار قوسىلعان ازىق – تۇلىكتەر؛ اۋرۋعا شالدىقتىراتىن ميكرو ورگانيزمدەر مەن اۋىر مەتالداردىڭ مولشەرى ولشەمنەن اسقان ازىق – تۇلىكتەر؛ ۋاقىتى وتكەن، شىرىگەن جانە بۇزىلعان، كوگەرگەن جانە قۇرتتاعان ازىق – تۇلىكتەر؛ اۋرىپ ولگەن، ۋلانىپ ولگەن نەمەسە كارانتيندەۋدە تولىمسىز بولعان مالدىڭ، قۇستىڭ جانە سۋ جانۋارلارىنىڭ ەتى جانە ودان جاسالعان ونىمدەر؛ ماركاسىز قوراپتالعان ازىق – تۇلىكتەر؛ مەملەكەت ايقىن بەلگىلەمە شىعارىپ، وندىرۋگە جانە تيجارات ەتۋگە تيىم سالعان ازىق – تۇلىكتەر ت.ب. بۇل بەلگىلەمەلەر تۇتىنۋشىلار ازىق – تۇلىك حاۋىپسىزدىگى جاعىندا ەڭ كوڭىل ءبولىپ وتىرعان ەڭ تومەنگى شەكتىك ماسەلەلەرگە تىكەلەي جاۋاپ قايتارىپ، تىكە تاراتىلىم ارقىلى ازىق – تۇلىك ساتۋشىلارعا اتتاۋعا بولمايتىن ”قىزىل سىزىق“ بەلگىلەدى.

كەلۋ قاينارى: حالىق تورابى