مۇنداي تەلەفون كەلسە، دەرەۋ جابا سالىڭىز!

سىرتقى ىستەر مينيسترلىگىنىڭ كونسۋلدىق قورعاۋ ورتالىعى 1 – ايدىڭ 19 - كۇنى زاڭسىز ەلەمەنتتەردىڭ 12308 كونسۋلدىق قورعاۋ ىستىق لەنياسىنىڭ اتىن جامىلىپ الدامشىلىق ىستەۋىنەن ساقتانۋدى ەسكەرتتى.

جاقىندا سىرتقى ىستەر مينيسترلىگىنىڭ الەمدىك كونسۋلدىق قورعاۋ جانە وعان قىزمەت وتەۋ شۇعىل جاعدايعا توتەپ بەرۋ ىستىق لەنياسى (12308 كونسۋلدىق قورعاۋ ىستىق لەنياسى) مەن جۇڭگونىڭ شەتەلدە تۇراتىن ءبىر ءبولىم ەلشىحانالارى مەن كونسۋلحانالارى زاڭسىز ەلەمەنتتەردىڭ تەحنيكالىق ءتاسىل ارقىلى 12308 كونسۋلدىق قورعاۋ ىستىق لەنياسىنىڭ ءنومىرىنىڭ اتىن جامىلىپ، جەكەلىك ينفورماتسياڭ شاشىلدى، زاڭسىز ينفورماتسيا تاراتىپسىڭ، زاڭعا قايشى قىلمىس وتكىزىپسىڭ دەگەندى سىلتاۋ ەتىپ، تەلەفون العان ادامدى جەكە ينفورماتسيامەن قامداۋعا شىرعالاپ، ”تەكسەرۋدى قابىلداۋ“، ” كەپىلدىك سوما“ تاپسىرۋ قاتارلى تاسىلدەرمەن الدامشىلىق ىستەگەندىگى جونىندەگى اڭىستى قابىلدادى.

سىرتقى ىستەر مينيسترلىگىنىڭ كونسۋلدىق قورعاۋ ورتالىعى مىنانى قاتاڭ ەسكەرتتى:

ءبىرىنشى، 12308 كونسۋلدىق قورعاۋ ىستىق لەنياسىنىڭ باستى فۋنكسياسى تەلەفون كەلگەن ادامنىڭ كونسۋلدىق قورعاۋ جاعىنا ساياتىن كومەك سۇراۋ ىستەرىن ەستەلىككە الۋ ، شۇعىل جاعدايعا توتەپ بەرۋ جونىندە اقىل - كەڭەس بەرۋ جانە جەتەكشىلىك ەتۋ ، قاجەت بولعاندا ەلشىحانالار مەن كونسۋلحانالاردى سايكەستىرىپ ءبىر جاقتى ەتۋ قاتارلىلار. كونسۋلدىق قورعاۋ ىستىق لەنياسى ازاماتتارعا وزدىگىنەن تەلەفون سوقپايدى، جەكە باسىنىڭ جۇمىسىن نەمەسە زاڭعا قايشىلىق جاساپ قىلمىس وتكىزۋ احۋالىن ءبىر جاقتى ەتۋدى قۋزاپ تەلەفون سوقپايدى؛ كەلگەن تەلەفوندى ءارقانداي باسقا بولىمگە جوتكەپ بەرمەيدى؛ تەلەفوندا سويلەسۋ بارىسىندا تەلەفون بەرگەن ادامعا بەلگىلەنگەن ەسەپ نومىرىنە اقشا اۋدارۋدى تالاپ ەتپەيدى.

ەكىنشى، ەگەر 12308 كونسۋلدىق قورعاۋ ىستىق لەنياسىنىڭ اتىن جامىلىپ تەلەفون سوققاندار بولسا دەرۋ جابا سالىڭىز. ەگەر انىقتاۋ قاجەت بولسا، كونسۋلدىق قورعاۋ ىستىق لەنياسىنا ءوزىڭىز تەلەفون سوعىڭىز نەمەسە ”جۇڭگو كونسۋلى“ اتتى رەسمي App، ۋيچات تەكشەسى قاتارلىلارداعى ”12308“ فۋنكسيالىق بايلانىس ارقىلى اقىل - كەڭەس سۇراۋىڭىزعا بولادى. ەرەكشە ەستە بولاتىن جاعداي، سويلەسكەن تەلەفوندار قاتارىنداعى تىزىمدىكتەن توتە باسىپ تەلەفون قايتارىپ سوقپاڭىز.

ءۇشىنشى، بايقاماي الدانىپ قالساڭىز، دەر كەزىندە جەرگىلىكتى ساقشىعا مالىمدەڭىز. ەگەر اقشا سوماسى ەل ىشىندەگى بانكە ارقىلى اۋدارىلعان بولسا، ءوزىڭىزدىڭ ەل ىشىندەگى نوپوسىڭىز تۇرعان جەردەگى قوعام حاۋىپسىزدىگى ورگانىنا ءبىر ۋاقىتتا جولداپ ەستەلىككە الدىرىڭىز.

سىرتقى ىستەر مينيسترلىگىنىڭ الەمدىك كونسۋلدىق قورعاۋ جانە قىزمەت كورسەتۋ شۇعىل جاعدايعا توتەپ بەرۋ ىستىق لەنياسى (24 ساعات): +86-10-12308；+86-10-65612308

كەلۋ قاينارى: حالىق تورابى