وسى اپتادا بۇكىل شينجياڭنىڭ باسىم كوپ ساندى جەرىندە تەمپەراتۋرا بىرتىندەپ جوعارىلايدى، قاردان، بوراننان جالعاستى ساقتانۋ كەرەك

ءتىلشىنىڭ شينجياڭ اۋا رايى ستانسياسىنان ۇعىسۋىنشا، كۇشتى سۋىق اعىستىڭ ىقپالىنان، بىرنەشە كۇننەن بەرى، بۇكىل شينجياڭنىڭ كوپ جەرىندە قاعان اياز بولدى. وسى اپتادا (1 - ايدىڭ 19 - كۇنىنەن 25 - كۇنىنە دەيىن) بۇكىل شينجياڭنىڭ باسىم كوپ جەرىنىڭ اۋا تەمپەراتۋراسى جالپى جاقتان بىرتىندەپ جوعارىلايدى، الايدا، تاعى دا قار جاۋادى، بوران سوعادى. مەجەمەن وسى اپتادا 3 رەت قار جاۋادى، سولتۇستىك شينجياڭدا ءبىر رەت قيىس شىعىستان بوران سوعادى، سولتۇستىك شينجياڭنىڭ ءىشىنارا وڭىرلەرىندە ۇزدىك - سوزدىق تۇمان (قار) بولادى.

الدىن الا مالىمەتتە كورسەتىلۋىنشە، 1 – ايدىڭ 19 – كۇنى كۇندىزدەن 20 – كۇنى تۇنگە دەيىن ىلە اڭعارى، وڭتۇستىك شينجياڭنىڭ باتىسى، بايىنعولىن موڭعۇل اۆتونوميالى وبلىسىنىڭ سولتۇستىگىندەگى تاۋلى وڭىرلەر قاتارلى جەرلەردىڭ ءىشىنارا جەرلەرىندە قىرباق قار، تاۋلى وڭىرلەردىڭ ءىشىنارا جەرلەرىندە ورتاشا قار جاۋادى. 1 ـ ايدىڭ 23 ـ كۇنى تۇستەن كەيىننەن 24 ـ كۇنى كۇندىزگە دەيىن، سولتۇستىك شينجياڭنىڭ باسىم كوپ بولەگىندە جانە وڭتۇستىك شينجياڭنىڭ باتىس بولىگىندەگى تاۋلى وڭىرلەردە، بايىنعولىن وبلىسىنىڭ سولتۇستىگىندەگى تاۋلى وڭىرلەردە، كۇنلۇن تاۋىنىڭ سولتۇستىك بەتكەيىندە، قۇمىل قالاسىنىڭ سولتۇستىگىندەگى تاۋلى وڭىرلەردە قىرباق قار جاۋادى، تاۋلى وڭىرلەردىڭ ءىشىنارا جەرلەرىندە ورتاشادان باستاپ قالىڭ قار جاۋادى. جوعارىدا ايتىلعان وڭىرلەردىڭ ەڭ تومەنگى اۋا تەمپەراتۋراسى 5 سەلتسي گرادۋس اينالاسىندا تومەندەيدى. 1 - ايدىڭ 25 - كۇنىنەن 27 - كۇنىنە دەيىن تارباعاتاي ايماعىنىڭ سولتۇستىگى مەن التاي ايماعىنىڭ سولتۇستىك بولەگىندە قىرباق قار جاۋادى، تاۋلى وڭىرلەردىڭ ءىشىنارا وڭىرلەرىندە ورتاشادان باستاپ قالىڭ قار جاۋادى، ءىشىنارا جەرلەردە ەرەكشە قالىڭ قار جاۋادى.

1 – ايدىڭ 19 – كۇنى كۇندىزدەن 23 – كۇنى كۇندىزگە دەيىن، سولتۇستىك شينجياڭنىڭ ءىشىنارا وڭىرلەرىندە ءبىر رەت قيىس شىعىستان بوران سوعادى. ىلە اڭعارىنىڭ باتىس بولەگى، تارباعاتاي ايماعىنىڭ سولتۇستىك بولەگى، التاي ايماعى، ءۇرىمجى قالاسى، سانجى حۇيزۋ اۆتونوميالى وبلىسى، قۇمىل قالاسىنىڭ سولتۇستىگى قاتارلى جەرلەردە قيىس شىعىستان 5 بال اينالاسىندا جەل سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل رايونى، التاي ايماعىنىڭ نوقاي جەل رايونى قاتارلى جەل وتتەرىندە جەل كۇشى 8 دە 9 بالعا جەتەدى، وتكىنشى جەل 10 بال اينالاسىندا بولادى، ءىشىنارا جەرلەردە قارلى بوران سوعادى. جوعارىدا ايتىلعان ءىشىنارا وڭىرلەردە تۇمان تۇسەدى نەمەسە بۇلتتى، قارلى اۋا رايى ۇزدىك – سوزدىق تۋىلادى، كورۋ دارەجەسى ءبىرشاما تومەن بولادى، قاتىستى تاراۋلاردىڭ ساقتىقتى كۇشەيتۋىن ۇسىنىس ەتەمىز.

ءۇرىمجى قالاسىندا دۇيسەنبىدەن (1 – ايدىڭ 19 – كۇنى) بەيسەنبىگە (1 – ايدىڭ 22 - كۇنى) دەيىن، ۇلانبايدان حۇڭيانچى وڭىرىنە دەيىن شىعىس وڭتۇستىكتەن 7 بال شاماسىندا بوران سوعادى، وڭتۇستىك قالا ماڭىنان سايوپۋ وڭىرىنە دەيىن 5 بال اينالاسىندا وتكىنشى جەل سوعادى، سەنبى (1 – ايدىڭ 24 – كۇنى) ءۇرىمجى قالاسىنىڭ باسىم كوپ وڭىرلەرىندە كۇن بۇلتتى بولادى، باتىس سولتۇستىكتەن 3 تە 4 بال جەل سوعادى. دابانچىڭ رايونىندا كۇن بۇلتتى بولىپ، قيىس باتىستان 8 دە 9 بال وتكىنشى جەل سوعادى. وسى اپتانىڭ باسقا ۋاقىتتارىندا نەگىزىنەن كۇن اشىق نەمەسە بۇلتتى بولادى، قالا رايونى، ميدۇڭ رايونى جانە گانچۋانباۋ وڭىرلەرىندە كەيدە تۇمان تۇسەدى. اپتا ىشىندە قالا رايونىنداعى ەڭ تومەنگى تەمپەراتۋرا نولدەن تومەن 24 تە نولدەن تومەن 13 سەلتسي گرادۋسقا تۇسەدى، ەڭ جوعارى تەمپەراتۋرا نولدەن تومەن 18 دە نولدەن تومەن 5 سەلتسي گرادۋس اينالاسىندا بولادى.

كەلۋ قاينارى: حالىق تورابى